Home Politica Emily de Jong- Elhage ta laga den man di pueblo ken nan...

Emily de Jong- Elhage ta laga den man di pueblo ken nan kier pa goberna Curacao!

4
0
SHARE
- Advertisement -

PAR si semper ta boga pa bienestar di pueblo:

ORANJESTAD(AAN) – Matutino DIARIO a entrevista sra. Emily de Jong- Elhage, lider di PAR, despues di cu e caida di gobierno di Curacao a wordo anuncia.

Sra. De Jong- Elhage a menciona cu sr. Godett, sr. Daavelar y sr. Cleopa, hopi cos cu nan ta hiba den publicidad.

El a subraya cu PAR a papia cu nan, pero nan no a bay mesa di negociacion ainda y nan ta warda te ora sr. Gobernador tuma su decision pa sinta na mesa y negocia.

E dama a indica cu nan tin 8 asiento y e otro partidonan 1-1-1 pero mester bay wak kico ta mehor pa e pueblo di Curacao.

Pueblo di Curacao ta esun cu tin e tarea di dicidi ken nan kier pa goberna e pais, y tin hende ta bisa cu PAR ta malo, pero nan no a dune chens ni un anja pa goberna su so.

Tur partido cu ta culpa PAR nan tambe tabata hunto cu PAR den gobernacion, pero PAR ta carga su parti pasobra e gobierno tabata tin su signature. Pero e otronan no tabata di acuerdo cu algo, pero a keda sconde, ta net esaki como partido no mester a sosode para mester para pa sirbi pueblo.

PAR ta sigui y ta bay wak kico e pueblo ta dicidi durante e eleccion. E dama a subraya cu den su partido e union ta hopi grandi y su den seno di su partido nan ta pidie pa Emily sigui, e ta lague den man di pueblo pa dicidi y lo tey como un humilde servidor, pasobra e si a drenta politica pa sirbi pueblo, e dama a subraya.

El a menciona tambe cu nunca el a papia personalmente cu e ex-prome minister sr. Schotte. Ora nan a gana eleccion nan a manda dos hende pa papia cu PAR na momento cu algo a pega.

Nan a purba di kibra PAR y den tur eleccion nan a purba di haci esaki. Nan a bin cu tres cabes y asina mes PAR a gana. Nan a bin cu si y no. Si ta cu nan a firma tur loke PAR a negocia pa e structura estatal na Hulanda, pero nan a dispidi e cent cu nan a haya riba concesion y awor por mira unda Curacao ta para aworaki, den apenas 20 luna di gobierno.

Emily de Jong-Elhage a subraya cu cualkier otro partido por papia kico cu nan kier tocante independencia pa Curacao, pasobra e 95 porciento di e poblacion, durante e ultimo referendum, a boga pa autonomia.

Tabata tin cuatro opcion: pais autonomo hinca den Antiyas, un status manera Bonaire, independencia y Status Apart como partner di Reino: 3 porciento a boga pa independencia y tur sobra a opta pa Status Aparte den Reino Hulandes. E ta sigur cu si bolbe pone un referendum, e pueblo aki ta bolbe opta pa keda den Reino.

El a comenta cu tur e facilidadnan cu tin den Reino, cu ta bo propio Parlamento, bo mesun presupuesto, y Parlamento ta esun cu ta controla gobierno, pues si goberna manera mester ta no tin problema.

Tin tres aspecto general so cu Reino Hulandes (tur e partnernan hunto) ta dicidi cu ta defensa di nos teritorionan, nos passport, y nos relacionnan exterior.

Tin rond di 160 embahada/consulado di Hulanda rond mundo cu nos como parti di Reino tin acceso na dje ora nos mester, y e tres puntonan aki ta cumbini nos. Sobra di cosnan ta den nos mes man, semper cu haci e trabao manera mester ta.

Esaki ta haci cu e partnernan di Reino por traha bon cu tur e Islanan den Caribe y nos region, y tur otro pais na mundo, pasobra nos ta parti di Reino Hulandes. De Jong- Elhage ta puntra, ta kico mas nos kier? El a subraya cu no ta asina cu mester sali bay afo bisa cu Aruba y Sint Maarten ta contra bo, envez di sinta traha hunto manera mester ta.

- Advertisement -

DUNA COMENTARIO

Please enter your comment!
Please enter your name here