Home General Frente Obrero ta kere den union, trankilidad y bienestar pa tur partner...

Frente Obrero ta kere den union, trankilidad y bienestar pa tur partner di Reino Hulandes

0
0
SHARE
- Advertisement -

Anthony Godett kier caba cu antagonismo na Curacao:

ORANJESTAD (AAN) – Den entrevista cu Matutino DIARIO, e lider di Partido Frente Obrero sr. Anthony Godett a declara cu e mancha scur cu a wordo crea den Reino, ta causa pa e antagonismo cu a wordo propaga pa un exponente di un of mas partido politico.

Godett a subraya cu den Reino Hulandes mester tin trankilidad y esaki ta conta pa cada pais di Reino, y mester crea trabao pa e pueblonan aki, pero cu antagonismo den Reino of den e islanan ta bin medidanan cu ta mara e pueblo y cu no ta cumbini nan.

Pesey su partido ta papia di union, y pa yega na tranikilida y bienestar den cada cas y den e economia pa Curacao y tur partner cu ta forma e Reino Hulandes.

E hecho cu den pasado tabata tin ofensa entre tur e partidonan na Curacao, no ta motibo pa nan no por traha hunto. Segun Anthony Godett esaki ta cosnan cu nan por sobrapasa, pa asina duna respet na otro pasobra e paisnan no ta interesa den insulto of contamento di redo riba otro.

Pueblo kier mira pa ora nan caba di reuni tin un balor agrega pa pueblo. Pueblo di Curacao kier mira atencion pa educacion, pa problemanan social, pa e situacion financiero, y pa nan economia move na un manera positivo pa asina aki crea trabao y atrae inversionistanan cu kier bin establece na Curacao.

Pero si e inversionistanan ta den un pais unda ta wordo crea antagonismo nan ta bay muda pa otro parti di mundo y no mester lubida cu no ta Curacao so ta forma parti di mundo pero tin hopi mas pais den dje.

Pesey su partido ta kere den union y trankilidad, pa rescata loke a bay malo, pa asina hiba e pais dilanti y tur hende expresa cu nan tambe ta forma parti di e dushi isla aki, y cu e partidonan no acepta critica sin fundamento ni insulto di un banda pa otro, pero pa nan biba den un ambiente di trankilidad, positivismo y felicidad.

- Advertisement -

DUNA COMENTARIO

Please enter your comment!
Please enter your name here