Home Politica Frente Obrero ta sigui boga pa Independencia di Curacao for di Reino...

Frente Obrero ta sigui boga pa Independencia di Curacao for di Reino Hulandes

1
0
SHARE
- Advertisement -

For di 1969 cu a lanta esey ta partido su meta:

ORANJESTAD (AAN) – Den entrevista cu Matutino DIARIO, lider di Partido Frente Obrero di Curacao, Anthony Godett ta kere cu e Antiyanonan y Arubanonan biba na Hulanda y Hulandesnan biba den e Islanan di Reino, mester por vota den e pais ey ora tin eleccion den nan respectivo pais, manera ta e caso pa otro paisnan cu si por vota for di exterior, incluyendo Curacao y Aruba, ora tin eleccion den nan pais natal.

Esaki no ta e caso aworaki y mester coregi esey pa e Antiyanonan y Arubanonan biba afo por tin oportunidad di eherce nan voto di confianza pa e partido cu nan ta kere cu por hiba nan pais dilanti.

Esaki mester bin den un discusion habri, den Parlamento cu aprobacion di 2/3 parti y e nota kere cu tin ningun parlamentario cu por ta contra esaki, segun Godett.

Anthony Godett ta reconoce cu su partido for di su inicio dia 5 di Juli 1969, ta boga pa independencia di Curacao. Esaki tabata e deseonan di e pioneronan cu ta Papa Goddet, Amador Nita y Stanley Brown.

E ta kere cu esaki mester tuma lugar den fase, y cu mester prepara e pueblo mental y materialmente pa pone tur cos na ordo, unda cu educacion, tereno social, economia y finanzanan lo mester ta den un condicion optimal, no pa djis bisa cu e pais ta independiente y cu su bandera ta zwaai den Nacionnan Uni.

El a subraya cu Curacao no ta cla ainda pa bira independiente. Ainda tin hopi pobreza den barionan, e economia ta stanca, e situacion financiero despues cu gobierno anterior a regla pa cuminza un posicion financiero nobo pa crea un surplus te cu anja 2015, awor ta bin tende cu tin un deficit di mas of menos 153 miyon florin!

Kiermen e situacion no a cana e ruta cu e gobierno anterior a regla, pero awor mester stop di wak patras y mira pa dilanti pa rescata e pais riba tur tereno.

Godett y Frente Obrero ta cla pa bay eleccion despues cu a sorprende nan e disolucion di gobierno den oranan di madruga pa convoca un otro eleccion, cu hasta a pone fecha pe dia 2 di November venidero, riba Dia di tur difunto.

E ta preocupa pasobra tin hopi problema cu mester a wordo soluciona pero aworaki pa entre tres pa seis luna tur cos lo keda stanca, e situacion ta sigui empeora y esnan mas pober ta bira mas pober, mientras cu e grupo cu tin abundancia ta sigui biba den dje, y e dolor ta keda pa esnan mas pober, pa e pensionadonan y esnan cu ta cobra onderstand, segun Godett.

Partido Frente Obrero, ta un partido revolucionario cu semper ta pendiente pa desaroyonan tuma lugar na bienestar di e poblacion y su partido semper a cla pa yuda su digno pueblo sea cu eleccion of sin eleccion. Cu e palabranan aki Anthony Godett a conclui nos entrevista.

- Advertisement -

DUNA COMENTARIO

Please enter your comment!
Please enter your name here