ORANJESTAD (AAN): Den Pindastraat a pasa un caso tog basta serio. Un homber cu ta biba den cas di su pareha a abusa di un yiu di crianza! E ta yiu menor di su pareha.
E homber cu ta un adicto awor ta sera mientras cu e departamento concerni ta haciendo e investigacion.
Awendia mayornan manera den e caso aki, e mama a hinca e homber di 27 aña den su cas como su pareha.
Hopi di e famianan disfuncional asina por haya nan mes den situacionnan unda nan yiu por bira victima simplemente pasobra no tin e atencion pe na cas.
E criatura no tin e seguridad necesario y esaki por ta e consecuencianan unda un adicto den e caso aki un adulto cu mester ta ehempel pa e criatura ta mas bien abusa di e mucha di 13 aña. Te na e momentonan aki ta ser papia di penetracion te hasta. E homber aki awor mester bay duna cuenta na Recherche. Aki ta trata di e homber fam P kende a comete e acto den un cas den Pindastraat unda e ta bibando cu e mama y e menor cu el a abusa di dje.
