Home Politica Minister Oduber den un atake frontal contra un medio di comunicacion

Minister Oduber den un atake frontal contra un medio di comunicacion

0
0
SHARE
- Advertisement -

“Mester pone un fin na e politica baho y vil aki”

ORANJESTAD(AAN):Den forma categorico, sin kita ni pone Minister Otmar Oduber a habri fuertemente afo contra e atakenan sumamente ofensivo den direccion di directora di Oficina di Turismo door di dos medio di comunicacion.

Esaki a worde haci sin ningun base valido. E profesional aki a worde ataca den forma baho y vil door die dos medionan di comunicacion aki.

   E forma con e director di e medionan aki, kende a perde su poder politico y e sed pa esaki ta mortifik’e, a haya ta bon pa sin ningun motibo lastra e bon nomber di un hende drechi y decente, a pone Minister Oduber bay den un atake frontal contra dje. Un carta pa rectificacion a bay caba.

   Sin a worde bon informa of djis pa malo, e medionan di comunicacion aki ta trata na malinterpreta e cuenta anual di Oficina di Turismo y ta haci como si fuera algo ilegal a tuma lugar. Expresionnan sin pia ni cabez a worde haci indicando cu a viola ley di contabilidad pa casi tres shen bes. “Esaki en absoluto no ta cuadra cu berdad”, Minister Oduber a bisa categoricamente.

   El a splica cu mescos cu den gobierno ley di contabilidad ta permiti pa na tur momento si bo no por actua segun e hoofdlijn di un destaho publico, den e mesun ley ey ta worde regla pa atraves di un MB por desvia di e ley di contabilidad na momento cu ta imposibel pa cumpli cu e hoofdlijn. Cu ta desvia di e hoofdlijn no ta nada excepcional y mucho menos ilegal, tanten cu por hustifica esaki. Oficina di Turismo na numeroso occasion ta haya su mes cu e mester desvia di e hoofdlijn di e ley di contabildead.

   Tin ocasionnan caminda cu Aruba y aerolineanan ta pone placa hunto pa haci un campaña di mercadeo. Den casonan asina bo no por pidi un di dos oferta pero ta cera un co-ops cu sea AA, Copa of Avianca. Mester ta hopi cla cu den un caso asina ta cu un aerolinea so por haci esaki. Aki bo no por pidi oferta cerca un otro aerolinea, pero haciendo uso di articulo 26 cu ley di contabilidad mes ta ofrece, ta traha un documento den cua ta splica cu no por pidi un di dos oferta.

   E documento aki ta worde firma door di e RvC di Oficina di Turismo y Minister. Un otro ehempel ta ‘trade shows’. Ora ta dicidi pa bay un trade show na p.e. Berlin, ta eynan bo kier bay y bo no por pidi mas di un oferta ya cu ta un trade show specifico na Berlin bo kier bay. Ora ATA kier haci un propaganda na Venezuela via HBO Latino, e no por pidi un di dos oferta pasobra ta un HBO Latino tin.

   Ta pesey cu e ora ta haci uso di e mesun ley di contabilidad cu ta bisa cu bo por desvia di e hoofdlijn semper y cuando bo ta splica den un documento bo motivacion. Esaki y nada otro ta loke a tuma lugar den Oficina di Turismo.
“E forma baho y vil cu e medionan di comunicacionnan aki a lastra nomber di e directora di Oficina di Turismo, un persona cu tin un reputacion halto tur caminda, ta inaceptabel.

   E señora aki ta un profesional tur afo cu hunto cu su ekipo ta haciendo un tremendo trabao pa dos aña caba. Cifranan den Turismo ta creciendo, cifra di prijsnan di hotel ta creciendo, cifranan di crecemento den expenditures segun CBS, cifranan di crecemento pa loke ta trata tourism receive di Banco Central. Awor den un forma baho e directora aki ta worde lastra door di director di e medionan ey.

   “Ta prome bes den historia di pais Aruba cu Parlamento a haya un cuenta annual di un departamento di gobierno cu a worde certifica y entrega cu tur transparencia cu por a worde lesa con henter e parti financiero di ATA ta. Ta pesey cu den forma categorico mi kier desenmascara e intencionnan politico pa malinforma pueblo, skirbiendo den bo corant y papiando na bo radio cu lo tabatin violacion di ley di contabilidad”.

   Oduber a bisa cu ya un carta a bay caba pa e dos medionan aki pa rectificacion. Esaki ta worde exigi di parti di Oficina di Turismo, di Minister y e directora mes tambe. “Mester yega un fin na e tipo di politica cu djis pa e sed di poder cu bo a perde ta bay over na ataca y mancha nomber di hende drechi. Minister a bisa cu e ta politico y si kier atake, haci esey, pero pa ataca un diretora di un departamento cu a demonstra di ta haciendo un trabao fabuloso, ta inaceptabel p’e y e gobierno aki.

- Advertisement -

DUNA COMENTARIO

Please enter your comment!
Please enter your name here