Polis a detene homber den auto horta
ORANJESTAD (AAN): Diasabra mainta trempan Polis atento na Sabana Basora a detene e conocido di husticia Chuckie van Putten. E homber tabata tras di stuur di un Toyota Yaris color blanco cu number A-37050 cu tabata raporta horta.
A señala e sospechoso banda di Zeewijk. Patruyanan atento a mira e sospechoso den auto, sigui su tras pa pare. A haya un arma di coy hunga tambe den auto hunto cu atributonan pa usa droga.
Polis a confisca e Yaris y bay cu e sospechoso pa Warda di Polis.
