Home General Prome Minister: Ora hospital cla gobierno tin cu “lease” e na SOGA

Prome Minister: Ora hospital cla gobierno tin cu “lease” e na SOGA

2
0
SHARE
- Advertisement -

ORANJESTAD (AAN) – Relaciona cu tur e polemica cu tin di parti di oposicion riba e construccion di un hospital nobo, y cu Booshi Wever a declara cu den henter e proyecto aki tin corupcion, Matutino DIARIO a acerca Minister Presidente mr. Mike Eman pa conoce su reaccion al respecto.

E dignatario a duna di conoce cu tin un parti di e proyecto cu ta bay Parlamento, pasobra gobierno tin mester di autorizacion di Staten pa por cera un acuerdo di lease, pasobra ora hospital keda cla gobierno tin cu lease’e na SOGA, cu cual gobierno tin diferente tipo di acuerdonan asina caba.

Pa haci esaki pa mas cu cinco aña, mester bay Parlamento manera ley ta stipula, y e ta na caminda caba pa Parlamento, mientras cu SOGA ta mira con ta bay invita esnan cu ta bay haci e construccion.

Prome mandatario a indica cu SOGA por scoge pa bin cu un destaho publico y invita tur contratista, of por invita esnan cu e stichting ta kere cu ta califica pa traha un hospital.

E dignatario a subraya cu esaki ta e responsabilidad di un fundacion totalmente independiente di gobierno, na cual gobierno ta duna un “lease contrato” pa nan desaroya e proyecto.

Si SOGA kier sigui un proceso unda cu nan ta invita tur hende den un destaho pa traha algo cu segun nan ta rekeri di cierto specializacion, of si nan ta selecciona esnan cu nan ta kere cu tin e specializacion aki caba, esey ta algo cu gobierno ta laga na nan, y gobierno tin e responsabilidad di informa Parlamento di e motibonan pakico SOGA ta bisa cu nan ta bay pa un of otro.

Minister Presidente mr. Mike Eman a expresa cu Gobierno tin tur confianza den e profesionalismo y integridad di SOGA, y nan ta sigur cu e procedimento cu nan ta scoge no ta pa beneficia ni un hende, pero pa logra e mehor producto.

- Advertisement -

DUNA COMENTARIO

Please enter your comment!
Please enter your name here