Protocol firma na thiel Corporation
ORANJESTAD(AAN)– Segun un comunicado di trahadornan, despues di e referendum teni dia 28 di September 2011 , por bisa cu te awe gerente di Thiel Corporation y Thiel Resources por a firma un protocol caminda e trahadornan di Thiel Resources a logra haya e mesun beneficio cu esnan di Thiel Corporation
E trahadornan di Thiel resources cu anteriormente no tabata tin un C.A.O. awe ta mustra di ta hopi contento.
Awor cu e trahadornan ta afilia na STA, nan ta sinti cu nan derechonan lo wordo prevalece, y esaki ta simplemente e comienso pa mehora tur locual a bai malo den pasado.
Algo remarcabel cu algun di e trahadornan a trese padilanti, ta cu enberdad pa bo logra bo meta bo mester determina bon kico bo kier, y bo mester por sacrifica bo tempo y no laga miedo ta e oponente di bo lucha.
Union y perseverancia ta base di cualkier logro.
E trahadornan kier a gradici sindicato STA, Diego De Cuba y tur su dirigentenan, y tambe nan delegadonan, y sin lubida tur e miembronan cu a para firmemente tras di e lucha.
