Home Politica Señor Booshi Wever ta demostra cu su actitud ofensivo contra gremionan...

Señor Booshi Wever ta demostra cu su actitud ofensivo contra gremionan no a cambia!

0
0
SHARE
- Advertisement -

Prome Minister Eman:

Ta bon pa pueblo sa ki opcionnan tin pa futuro

ORANJESTAD (AAN) – Den e marco di kico Dialogo Social ta representa pa Aruba, Matutino DIARIO a puntra Prome Minister su opinion tocante e declaracion di Parlamentario Booshi Wever cu “awor tin caviar y tin shrimps”.

Prome Minister a expresa cu e tipo di declaracionnan aki ta un ofensa den direccion di tur e representantenan digno di e gremionan sindical y comercial, comosifuera cu nan no tin e placa pa cumpra un croquet of un pastechi.

E dignatario a indica cu e no ta kere tin ningun persona cu ta laga su mes worde influencia pa un refresco, un croket of un pastechi.

E mandatario a reitera cu den Dialogo Social tin biaha nan ta cuminza cu cierto pensamento y den e proceso e ta worde cambia of modifica, of hasta rechaza, y esaki ta mustra cu no ta un opinion ta esun determinante.

Contrario na esaki e ta un combinacion di pensamentonan di cual na final ta sali un producto cu ta worde carga ampliamente den nos comunidad.

E dignatario a subraya cu e por compronde e reaccion di e opositor aki cu den pasado a trata e sindicato y gremionan comercial cu hopi ofensa, y no cu e dignidad necesario y pesey continuamente e tabata den polemica cu organizacionnan den nos comunidad, y no esaki so pero na dado momento e tabata den polemica cu Hulanda, coriendo cu KLM, Valero, Carnival Cruises, cu un actitud cu ta refleha ainda y por mira cu e sistema di ofende hende, trata nan sin e dignidad cu nan merece no a cambia na nada!

E resultadonan di ultimo eleccion no a conduci na ningun cambio di pensamento, postura y actitud pero ta e mesun tono nos ta sigui scucha, e dignatario a subraya.

Prome Minister a reitera cu pa su persona como lider di AVP, e momentonan aki ta hopi importante kico worde bisa, pa pueblo mira kico tin riba mesa pa e futuro di nos pais, den nos escogencianan: of nos ta scoge pa sigui den e direccion aki unda cu gobierno ta dialoga cu partnernan, unda cu tin participacion y trato husto, cu a crea un clima unda cu nos por hala rosea atrobe y cu e rikeza di nos pais ta worde reparti igual, of nos ta scoge pa bay bisa cu “nos ta manda, e placa di pueblo aki ta pa paga huur cune, paga abogado, y cu no tin placa pa indexering, pa drecha school ni caretera, etc., pasobra ta nos ta manda, ta nos famia ta worde nombra den gobernacion…” Esey tabata e pensamento di e gobierno anterior, y e pensamento ainda ta asina cu nan ta dicta, y tuma e rienda di e pais aki comosifuera cu e mandato ta pa privilegia esnan rond di nan, sin duna cuenta na ningun hende y sigur sin tin participacion na ningun gremio, loke ta hopi lamentable pero ta bon cu e ta worde articula pa asina nos comunidad ta bon informa riba cual ta su opcionnan pa futuro.

- Advertisement -

DUNA COMENTARIO

Please enter your comment!
Please enter your name here