Home General Setar cu trabaonan grandi cu Backup Fiber Cable

Setar cu trabaonan grandi cu Backup Fiber Cable

0
0
SHARE
- Advertisement -

ORANJESTAD (AAN) :  Patras di Lighthouse tin basta trabao andando e dianan aki.

Trabaonan cu a cuminsa algun tempo pasa no a sigui pero awor si ta terminando esaki.

   Ta trata di un backup fiber cable cu ta tira entre Aruba cu Curacao.

Algun aña pasa esaki a yega di worde tira caba entre e dos islanan y a bin pega esaki riba e antenna di Setar na San Nicolas.

   E cable cu a ser tira den lama di Curacao pa Aruba a worde pega e biaha aki na e switcher/antenna cu tin pero na Lighthouse. Trabaonan tabata intensivo diasabra te cu atardi, pero atardi lat e lama a bira poco bruto y trabaonan a worde wanta pa sigui diadomingo.

   Durante dia tabata tin divers den lama, hende riba tera cu ekiponan pisa, tugboat y tambe e barco grandi cu ta tira cable den e lama cu a yega hopi cerca di tera. door cu nan tabata cerca di tera el a hala basta atencion.

   Loke a keda constata algun luna caba ta cobamento cu tabata tin riba tera bahando for di e sero direccion lama. Esaki tabata e preparacionnan pa e yegada di e cable entre Curacao cu Aruba.

   Den entrevista cu e director di Setar Ing Roland Croes el a confirma cu Curacao y Aruba ta complimenta otro si na dado momento por presenta un situacion caminda comunicacion ta cay na un di e islanan.

   Pesey mes for di dos angulo a tira e cablenan tanto na Aruba cu ta na San Nicolas y patras di Lighthouse. Na Curacao tambe e dos puntonan ta leu di otro. E tin su motibo pasobra den lama tambe un barco por tira anker den fondo y causa daño y cu un solo cable e backup a cay na awa. Pesey awor entre e dos islanan tin dos backup cable. Entre Aruba cu Merca tambe tin backup cable tira.

- Advertisement -

DUNA COMENTARIO

Please enter your comment!
Please enter your name here