ORANJESTAD (AAN): Diahuebs Polis y Ambulance a worde solicita na Paseo Herencia.
E motibo ta cu un persona lo ta herida despues di e cay for di e rol trap cu ta subi bay na The Cinemas.
Na nan yegada nan ta topa cu un homber benta abou na e di dos piso di e mall.
ORANJESTAD (AAN) – Señor Herbert Diaz, durante un entrevista cu Matutino DIARIO, a menciona cu e reaccionnan cu el a ricibi despues di a haci su presentacion tocante e estudio cu Universidad di Aruba a haci, tocante uso di alcohol y droga bao di nos hubentud escolar, tabata di preocupacion grandi.
E personanan cu tabata presente den e sala a bisa cu nan tabata sa cu e cifranan mester ta halto, pero ta prome biaha cu nan ta haya cifranan concreto, basa riba un investigacion.
DIARIO a mira di cerca e reaccion rapido di Miami-Dade Airport Fire Rescue
ORANJESTAD (AAN): Riba invitacion di American Airlines como tambe Greater Miami Convention & Visitors Bureau, DIARIO tabata di bishita na Miami pa asina mira di cerca, e atraccionnan nobo cu e ciudad aki na Florida tin pa ofrece e bishitantenan, y tambe haya sa mas di su historia.
Durante esaki, DIARIO hunto cu prensa di Caribe, a haya chens tambe di bay mira un Toren di Control nobo cu American Airlines awor tin na Miami International Airport.
ORANJESTAD (AAN): E edificio bieu di Belasting ta un inversion grandi cu pais Aruba ta haciendo riba termino largo. E ta ubica riba un tereno importante den centro di centro di ciudad loke ta hacie un propiedad masha balioso.
E edificio aki durante añanan di gobernacion anterior a worde laga pa su cuenta, a decai y adictonan a haci’e nan cas. Un situacion penoso cu no por a sigui. Gabinete Mike Eman a pone restauracion di e edificio aki den su programa BoAruba y dentro di poco e trabaonan ta cuminsa.
ORANJESTAD (AAN): Dialuna dia 1 di Oktober 2012 nos ta celebra e Fiesta na honor di Sta. Teresita di Lisieux, un Soer Carmelita cu a biba y a muri na Francia.
Un persona cu un confianza den e mensahe di Evangelio y un conocimento di e persona di Hesus.
Nos Señor Hesu-Cristo tabata biba den su curason y El tabata ilumina su alma.
ORANJESTAD (AAN)—Awor cu cuerpo di Polis a haya varios auto nobo, por a nota cu na diferente parti di Aruba constantemente tin control policial ta tumando lugar.
Esaki ariba su mes ta hopi di aprecia, pa mira si porfin por logra di frena e asunto di tanto vehiculonan den mal estado ariba caya, chauffeurnan sin documentonan na ordo y te hasta por tribi di bisa e joyridernan cu ta lanta cabez tur dia.
ORANJESTAD (AAN): For di prome dia di gobernacion e topico energia tin un prioridad hopi halto pa Gabinete Mike Eman y ta forma parti integral di su vision.
E maneho di energia 2009-2013 tin como meta e reduccion y stabilisacion di e gastonan di produccion di awa y coriente di un manera sostenibel pa nos medio ambiente y pa e economia familiar den cada hogar.
E resultadonan di e vision aki ta birando un realidad concreto y visibel pa tur hende na Aruba.
Minister dr. Richard Visser riba Dia di Turismo:
ORANJESTAD (AAN): Diahuebs ultimo Aruba Tourism Authority (ATA) hunto cu partnernan den turismo a celebra Dia Mundial di Turismo, presentando e desaroyonan cu ATA y nos turismo ta pasando aden y plannan pa 2013.
Minister dr. Richard Visser a expresa cu el a keda impresiona pa e datonan presenta cual ta sali di e investigacion cu ATA ta haci awendia, hasta haciendo calculacionnan di cuanto e turista ta gasta na Aruba y na kico.
Asje
ORANJESTAD (AAN)* Gobernador Fritsz Goedgedrag a haya instruccion di conseho di Minister di Reino pa forma un gobierno nobo. Esaki despues cu 12 parlamentario a bini hunto pa asina tin mayoria den parlamento.
Dito Mendes de Gouveia a wordo apunta como formador pa un gabinete nobo, dos siman prome cu eleccion. Diahuebs ultimo ela entrevista candidatonan pa e puesto di minister. Mendes de Gouveia tin sosten mayoritario den parlamento y candidatonan lo wordo gescreen.
Trahadornan di Thrifty Car Rental ta disgusta:
ORANJESTAD (AAN) – Ultimamente varios empleado disgusta di loke nan ta pasando aden na Thrifty Car Rental a presenta na redaccion di DIARIO relaciona cu un situacion fastioso cu nan ta pasando aden na e compania.
Segun Señora Rosaria Jovita Quant a splica na redaccion di DIARIO e ta bisa “Cu despues di a papia cu e doño na Juli ultimo treciendo dilanti cu: “nos a tende riba caya cu e ta perde e franchise y cu hasta tin papia cu Thrifty Car Rental lo worde habri per 1 Augustus 2012 cu otro doño, ningun clase di contesta drechi e doño por a saca di su boca y alavez a confronte e hecho cu pakico si nos ta e empleadonan cu di dia y anochi a traha cu tiki empleado yudando e y solamente e, pasobra nos ningun a haya nada di tur e esfuerzo haci y riba dje Bonus a worde kita 3 aña pasa caba y despues cu nan a bisa cu kizas nan lo por bay duna algo na fin di Februari of Maart di 2011, pasobra di un di e yiunan a slip cu den e tempo ey nan lo caba cu e debenan grandi.
ORANJESTAD(AA): Na final di añanan 1970 y comienzo di 1980, Baul di HUCONA tabata e columna mas popular di corantnan cu tabata circula. A dicidi di bolbe cune den otro forma pa motibo cu hopi hende a lubida loke tabata tin den historia di Aruba , sigur ultimo 50 pa 80.
Otronan cu no a lubida no tabata sa di hopi cos cu a pasa y ta wordo corda cu e topiconan aki. Den e ultimo simannan, e columna aki a cay na agrado di masha hopi lector pasobra hopi a corda topiconan presenta y hopi a haya sa mas di nos Aruba. Cosnan cu nan no tabata sa.
ORANJESTAD (AAN): Comunidad di Aruba ta keda invita pa bini y participa na e ciclovia San Nicolas cual lo ta tumando lugar diadomingo awor 30 di September 2012.
E evento aki ta uno organiza pa asina yuda e comunidad di Aruba pa tin un bida mas saludabel y cu tambe ta duna tur hende e oportunidad pa disfruta di un diadomingo mainta sano hunto cu amigo y familiarnan.
E ciclovia di diadomingo awor lo tuma lugar na San Nicolas, dilanti di Joe Laveist Sport Park.
Consumo di alcohol ta mas un comportacion social:
ORANJESTAD (AAN) — Den e cuadro di motibo y circumstancianan cu alcohol of droga ta worde uza bao un segmento importante di nos hubentud, den entrevista cu Matutino DIARIO, señor Herbert Diaz a indica cu tin diferencia entre uso di alcohol y droga.
Si tuma alcohol como ehemplo, hopi biaha nan ta consumi den fiesta of den seno di famia, ora di bay trip, si e amigonan ta bebe. Tur esaki ta ocasionnan cu ta envolve e actividad social.
Den e caso di consumo di droga e lista ta encabeza cu stress. Hopi mucha a contesta cu ora nan tin stress, ora nan tin problema, of ora e amigonan ta duna e ehemplo (peer pressure) y tambe pa placer.
ORANJESTAD(AAN)- Na Fusion na Alhambra a ser teni instalacion di e candidatanan y alavez cada uno a scohe nan number.
E eleccion aki lo bay tin 5 beyeza cu lo competi dia 28 October cu lo wordo teni na Echanted na Paseo Herencia.
Candidata number uno ta Nerissa Trimon di districto di Noord e ta studiando na Avond Havo.su signo ta Sagitario.su hobby ta modela, diseña y pinta cuadra.
