Home Politica Analisis politico

Analisis politico

0
0
SHARE
- Advertisement -

Cohuntamente mester para e mentiranan!

Nos comunidad  mester bira mas critico ariba nos politiconan. No por enfatiza suficiente con malo cierto situacionnan na Aruba ta sin cu tin reaccion serio ariba esakinan. MEP a perde eleccion pasobra pueblo a harta di e actuacion maligno di e ex ministronan di MEP y kier a mira un cambio.

MEP ta den oposicion pero e mentalidad mentiroso tey mas cu nunca. Tur dia nos ta tende mentiranan tras di otro worde lanza door di e miembronan di Staten di MEP sin cu nan ta preocupa cu por tin hende critico ta mira cu nan ta gañando cosnan grandi pa trata di mancha e bon nomber di e gobernantenan drechi.

Esaki ta e unico manera cu MEP sa di haci politica sin escrupulo cu tin hende cu si ta mira cu nan ta usando mentiranan pa purba di convence hende pa bin nan banda. Increibel con leu e dirigentenan aki ta bay mustrando nan incapacidad total pa hiba un maneho drechi. E ultimo mentiranan tabata cu un ministro lo a laga hende drenta Aruba cu paspoort falso.

Awe en bez di sconde den un skina yen di berguenza nan ta keda bin padilanti cu un cantidad di mentiranan flagrante pa trata di kita e atencion for di nan crimennan bruto contra nos pueblo. Y atrobe aki nos mester trece padilanti cu nos comunidad mester bira mas critico.

No por ta asina cu e miembronan di Staten di MEP ta trata di tur manera lanza mentiranan vil y baho sin cu for di nos comunidad ta lanta voznan di desaprobacion contra esaki. Un biaha mas nos mester ripiti cu esaki ta un problema serio di nos isla.

Esnan cu mester yuda forma opinion y mester para firme pa honestidad y integridad di nos politiconan no ta sali padilanti pa mustra e dirigentenan di MEP cu e mentalidad di hiba politica a base di mentira no por mas den e tempo aki.

No mag ta asina cu e integrantenan di MEP por sinti cu nan ta liber pa haci e cosnan di mas barbaro y esnan cu mester ta vigilando e interesnan di nos pais ainda tin miedo pa mustra e representantenan di MEP cu loke nan ta haci no ta acceptable. De facto e miembronan di MEP mester sinti for di den nos comunidad un repudio total.

No ta suficiente cu e gobernantenan y miembronan di Staten di AVP mustra cu nan ta hiba un politica di un nivel eleva mientras tur dia nan ta worde ataca cu mentiranan di mas baho y sushi  cu tin. Pa nos por eleva nos comunidad den su totalidad nos mester tin nos organizacionnan di sector priva tanto di dunador di trabao como di e trahadornan y otro organizacionnan para pa principionan fundamental pa nos pueblo.

Tanten cu e dirigentenan di MEP por sigui cu nan manera di actua sin cu tin reaccionnan tambe for di sector pafo di politica nan lo sigui asina. Muy en particular prensa tin un responsabilidad serio den esaki.

Durante e dianan cu a pasa depues cu e dirigentenan di MEP Evelyne, Booshi y e appendix Bikker a lanza e mentiranan encuanto un persona cu lo a drenta Aruba cu pasaporte falso guia door di un ministro algun di e miembronan di prensa a reacciona hopi fuerte mustrando  e dirigentenan di MEP y nan appendix cu no por hiba un politica asina baho y kere cu tur hende ta guli esaki.

Esey sigur ta pasonan hopi importante pa un desaroyo sano di nos pais. E dirigentenan di MEP mester bay realiza cu e tempo a cambia y cu e politica cu nan ta hibando pa hopi aña no por mas. Cada bez cu nan lanza mentiranan mester tin fuera di e seno di politica mes hendenan cu ta para e dirigentenan di sigui cu mentiranan y kere cu ainda esaki tin efecto cu nan lo crece den cantidad di voto.

Antes e dirigentenan di MEP por a hiba un politica di mentira y corupcion sin cu tabatin reaccionnan for di nos comunidad simplemente pasobra mayoria di esnan cu lo mester a reacciona tabatin mucho miedo pa haci algo pa motibo di e mentalidad di represaya di e gobernantenan di MEP.

Awe ningun hende ni organizacion mester tin miedo mas. Hunto nos tur  mester percura pa nos desaroya un politica eleva y honesto. Awe cu nos tin e gobierno cu nos tin esaki por. Ban hunto para e sinberguenceria di e dirigentenan di MEP cu hopi biaha hasta ta pretende di ta papia den nomber di nos pueblo.

- Advertisement -

DUNA COMENTARIO

Please enter your comment!
Please enter your name here