Aruba Heart Foundation un biaha mas lo organiza un Symposium “Bo Curason ta den Bo Man”
ORANJESTAD (AAN): E symposium aki lo tuma lugar Diasabra, dia 22 di september 2012 na Crystal Theater na Renaissance Resort & Casino
y lo ta di mainta 9.00 a.m. te atardi 4.30 p.m. Pa esnan cu ta corda, e prome Symposium di Aruba Heart Foundation tabata un exito rotundo cu mas di 400 persona atendiendo.
Despues di duna Bon Bini na tur presente door di Presidente, Señora Velma Daal, e Symposium lo worde habri door di Medical Director di HOH, Dr. Jaime Falconi, sigui pa un prologue di Dr. Carlos van Leeuuwen, Cardiologo di Cardio Clinic Aruba.
E biaha aki lo bay tin 7 orador di exterior, cada uno experto riba nan tereno.
Di e hospitalnan di Colombia, na unda AZV ta manda nan pacientnan lo tin :
* Dr. Jose F.F.P. Saaibi Solano di Fundacion Cardiovascular na Bucaramanga.
* Dr. Nilson Lopez Ruiz di Pablo Tobon Uribe Hospital na Medellin
* Dr. Luis Frennando Pava di Fundacion Clinica Valle de Cardio del Lili na Cali.
Di Florida, U.S.A. lo tin :
* Dr. Marcus St. John
* Reginal Laroche
* Dr. Hakop Hrachian Haftevani , tur di Baptist Health
Tambe lo tin Dr. Jeannouel van Leeuwen, di SEHOS, Curaçao.
Ticketnan ta na benta y ta bayendo hopi lihe. Lo bay tin dos coffee break y un lunch break.
Aruba Heart Foundation ta spera di por welkom hopi dokter (pa kendenan tin accreditatie) y demas profesionalnan den e ramo di salubridad, pa asina nan haya mas informacion pa nan cuido diario na patientnan.
Tambe ta spera cu dunando posibilidad na tur hende (publico en general) pa atende e Symposium, esaki lo yuda pa compronde cu tur tin abilidad y poder pa drecha nan salud substancialmente.
