Home General Aruba y St. Maarten lo coopera riba tereno di Aviacion Civil tambe

Aruba y St. Maarten lo coopera riba tereno di Aviacion Civil tambe

0
0
SHARE
- Advertisement -

Dos Ministro a firma esaki

ORANJESTAD (AAN): Riba Diahuebs, Minister Oduber y colega di Sint Maarten Minister Pantophlet a firma un Intentie Verklaring. 

Asina Aruba lo coopera riba terenonan di  turismo, scheepvaart y principalmente aviacion civil,

   E siman aki Minister di Turismo, Transporte y Labor, Otmar Oduber a firma un ‘Intentie Verklaring’cu Minister di Turismo, Asuntonan Economico, Transporte y Telecomunicacion di Sint Maarten, Romeo Pantophlet pa coopera riba diferente aspecto importante, resaltando e parti di Aviacion Civil.

   Minister Pantophlet a indica cu e acuerdo aki ta pa traha hunto riba tereno di turismo, scheepvaart y aviacion civil, poniendo atencion special riba e ultimo aki mirando cu debi cu Curaçao a worde baha di categoria 1 pa categoria 2, Sint Maarten a worde baha tambe automaticamente. Minister Pantophlet a haya e mandato di su Gobierno pa hisa categoria di Sint Maarten un biaha mas pa categoria 1 den e menor tempo posibel y Aruba a mustra su intencion di coopera pa yuda e isla logra e meta aki.

Minister Oduber di su banda a bisa cu e intencion di cooperacion a cuminsa for di algun luna pasa, for di momento cu Minister Pantophlet a bishita Aruba y a conversa riba diferente tereno di interes mutuo. E mandatario di Sint Maarten tabata particularmente interesa riba e privatizacion di ATA como tambe e aspecto di Aviacion Civil, mirando e downgrading pa categoria 2.

Asina nan a pidi e ayudo di Aruba mirando e trabaonan cu a bin ta worde haci, e mantencion di nos categoria y e bon finalizacion di e ultimo encuentro cu tabatin cu FAA na Aruba.

Asina e siman aki Ministernan di Aruba y Sint Maarten a yega e siman aki na un acuerdo di intencion di trabao mutuo riba tereno di turismo, scheepvaart y tambe aviacion civil. Ta bay tin acuerdo di trabao conhunto caminda Aruba lo duna tur e sosten necesario pa cu e formacion cu Sint Maarten tin di nan departamentonan na e momentonan aki.

Minister Otmar Oduber a indica tambe cu a papia riba diferente otro tereno di cooperacion cu por tin pa cu Aruba. Un di nan, cual por cierto ta hopi exitoso ta e industria di crucero di Sint Maarten. E mandatarionan a keda di topa na october na Curaçao durante e conferencia di FCCA caminda lo papia mas detayadamente riba esaki. Despues lo realiza un bishita na Sint Maarten pa por papia riba e desaroyo di con e isla aki por asisti Aruba pa continua e trend di ta creciendo den un forma bastante acelera pa loke ta trata industria di turismo crucero.

- Advertisement -

DUNA COMENTARIO

Please enter your comment!
Please enter your name here