Aunke no por duna garantia e speranza tin cu lo tin un solucion den e situacion di trahadonan di Valero
ORANJESTAD(AAN): Gobierno a mira e necesidad pa trece aden algun persona cu por ta crucial den e caso aki pa yuda tambe den e proceso andando pa acomoda esnan cu lo perde trabao den e refineria.
Den entrevista cu Paul Arends el’a splica tambe kico ta su rol. E lo yuda gobierno den e taskforce cu a ser instala.
E funcion den e grupo di taskforce ta pa yuda gobierno , yuda Aruba y gremionan rond di Aruba tambe pa por plaats nos hendenan di Valero den luganan adecuado pa nan haciendo un persona cu conoce refinacion of industria basta bon.
Mi ta kere cu por aporta na e taskforce aki.
Segun sr. Arends, nan tin speranza cu lo tin un solucion. Locual cu mi ta sinti cu tin un willingness di tur e gruponan cu a papia cu nan te ainda. Ta hopi speranza tin cu lo bin cu un solucion. Por plaats hopi hende ora na Aruba mes den companianan local.
Esaki ta keda na cada uno individual naturalmente ta dificil pa bandona un situacion di seguridad. Un situacion cu nan ta custumbra di biba cune. P’esey tambe e taskforce aki ta importante pa por tene toch un cantidad di e hendenan aki na Aruba. Awor aki ta bezig ta fula tera mira kico ta e posibilidadnan pa defini e rolnan mas specifico. No por garantisa si cu tur hende por haya trabao. Y esey ta jammer. E team cu Gobierno a pone hunto Awor aki ta encera gremionan sindical, comerciante e industria na Aruba. Esaki ta un bon comienso. Sr. Arends no ta mira cu lo tin mester mucho cambio. Esaki ta inclui tur e industrianan mas grandi cu tin na Aruba.
