Corda cu bebe alcohol di mas por hacibo hopi malo
Por causa hasta bo morto
ORANJESTAD (AAN) Diasabra anochi Polis y Ambulance a mobilisa pa un fiesta den cercania di edificio di ex-Codemsa ora un hoben menor di edad a sinti su mes malo y a bay for di tino.
Na prome instante tabata sospecha cu a tira algo den bebida di e hoben cu pone sinti malo pero despues di un checkup a resulta cu e hoben a bebe demasiado alcohol.
Den e fiesta por a mira varios hoben cu drinks na man. Hasta un amigo di e hoben cu a bira malo a bin tur burachi pa controla si tur cos ta bon cu su swa, e hoben aki casi no por a cana.
Polis a bay cu e hoben cu tabata sinti su curpa malo cas pa papia cu su mayornan riba e comportacion di nan yiu. Polis mester actua mas man duro den casonan asina ya cu nos hubentud ta explorando alcohol na edad relativamente bastante jong.
No ta importa si ta Vodka of algo otro. Bebemento demasiado di Alcohol, ta bira peligroso pasobra e por djis simplemente shut down full bo curpa y causa morto.
