Parlamentario Clarisca Velasquez
ORANJETSAD (AAN): Increibel con leu hipocrecia por yega. Por a tuma nota den e corantnan di dia cu partido Mep ta bin cuestiona cu tin 3 edificio para bandona. Net e hendenan aki ta bin papia di edificio bashi?
Nan ta e partido cu tempo nan tabata den gobierno a laga edificionan cu ta pertenece na gobierno para bandona pa bay huur pa asina enrikese famianan.
Awor e edificio cu nan ta senjala ta edificionan cu gobierno ta moviendo haciendo trabao di nan y cu proceso ta tardando no manera tempo Mep intencionalmente a laga edificio para pa por huur otro edificionan di famianan. Esey ta e diferencia entre e gobiernonan.
Mep tin basta curashi pa bin papia di edificionan bashi. 8 aña largo nan a larga edificio di corte, voogdijraad, belastingkantoor, bestuurkantoor, edificio bieu di lotto na San Nicolaas, JF Kennedyschool, hulpbestuurskantoor Paradera, school Providencia, ex edificio di DOOV na San Nicolaas para bashi intencionalmente pa asina por huur edificio di famia pa asina por laga famia enrikese riba custia di pueblo!
Bushiri ta netamente e gobierno di Mep cu a laga un joya di hotel y un hotelvak school bay perdi pa puramente politica.
Awor nan kier bin punta dede pero nan a lubida di wak e cuatro dede riba nan mes! Pesey ta increibel con leu hipocrecia di partido Mep por yega y esaki ta di condena paso nan kier bruha tera mientras e gobierno aki si ta den proceso pa resolve e edificionan bashi aki pero ta e proceso ta tardando y no manera Mep cu a laga edificionan bashi intencionalmente 8 aña pa asina huur edificionan pa asina enrikese famia di gobernantenan di Mep!
