Home General FUNOM kier hisa e fondo pa e hendenan den adiccion, pa nan...

FUNOM kier hisa e fondo pa e hendenan den adiccion, pa nan tuma e stap mas lihe pa worde cura

0
0
SHARE
- Advertisement -

ORANJESTAD   (AAN): Fundacion Un Oportunidad Mas (FUNOM) ta traha pa yuda adictonan cu tin mester di ayudo di inmediato y den un cas special cu nan tin, nan ta prepara e adicto, pa e por drenta un centro di rehabilitacion y comporta su mes manera debe ser.

E fundacion ta bay cuminza cu un accion di recauda fondo, pa nan por haya placa pa haci algun ahuste na e cas y bin cu un parti mas pa asina por separa e muhernan adicto for di e hombernan.

Un di e boluntarionan cu ta traha cu FUNOM ta un ex adicto Juni Diaz, kende ya caba pa 16 pa 17 aña ta hibando cliente pa e diferente centronan di rehabilitacion di Aruba.

Durante un rueda di prensa el a splica cu 60% di e personanan cu tin den e centronan di rehabilitacion of cu a bay afo, a worde hiba pa miembronan di FUNOM.

Segun Diaz, nan a lanta FUNOM door cu hopi biaha ora bin cu un cliente pa un di e centronan di rehabilitacion,  nan no ta tuma e persona por ehempel si ta despues di ora di trabao.

El a splica cu tempo di Eric Nassy y Steve Gibbs varios aña pasa, el a yama nan pa trece un cliente, nan a warda y alrededor di 6’or el a yega cu e cliente y nan a tume.

E persona ey awe ta 10 aña ‘clean’.

Segun Diaz, e tempo cu Centro Dakota a cuminza nan tabata mas flexible, pero mas organiza nan a bira, mas dificil a bira pa trece y hinca cliente eyden.

“E unico meta cu nos tin ta tene e cayanan limpi, di e personanan cu e malesa di adiccion”, segun Diaz.

DIAZ a splica cu e ta un adicto den recuperacion cu tin casi 18 aña clean.

El a splica cu ta worde bisa cu bo tin cu yega te fondo, pa bo dicidi cu bo ta bay recupera.

Hopi di e adictonan nan fondo ta morto.

Pesey e intencion di FUNOM ta pa hisa e fondo pa e hendenan den adiccion, pa nan tuma e stap mas lihe pa worde cura.

Tin hende adicto ta perde casa y trabao y nan ta tuma e decision di haya ayudo.

Sinembargo tin ta warda te cu nan ta casi morto prome cu esaki sosode.

Pesey mester traha duro pa convence nan pa drenta un centro di rehabilitacion mas lihe posibel.

Diaz mes a worde rehabilita atravez di un asina yama ’12 step program’, riba conseho di SAMBA cu e tempo ey practicamente tabata e unico lugar pa adictonan worde yuda.

El a splica cu na final di e programa nan ta manda bo pa bo yuda otro hende y esey e ta haciendo actualmente.

“Tur e adictonan cu ningun hende kier handle cu nan, no ta tuma y yuda nan”, segun Diaz.

Mayoria di esnan cu ta yudando den FUNOM ta hendenan cu a trip y uza droga den y rond Village na San Nicolas.

FUNOM tambe ta bay Rancho of Noord pa busca hende pa yuda nan y e intencion sigur ta pa yuda full rond Aruba.

- Advertisement -

DUNA COMENTARIO

Please enter your comment!
Please enter your name here