Home General Gobierno di Aruba comprometi hiba na un maneho financiero sostenibel

Gobierno di Aruba comprometi hiba na un maneho financiero sostenibel

0
0
SHARE
- Advertisement -

ORANJESTAD(AAN):Agencianan internacional di evaluacion, manera Standard & Poor’s y FitchRatings ta duna elogio na maneho financiero di Gabinete Mike Eman.

E muestra di compromiso y determinacion pa yega e metanan cu e ta impone riba su mes riba tereno financiero y e hecho cu ta cumpli cu nan, ta wordo reconoci.

 Un di e meta nan cu a ser poni na inicio di gobernacion di Gabinete Mike Eman tabata pa actualisa e maneho financiero y formalisa e cuentanan anual manera nos leynan pa prescribi.

“Awe nos a logra esey”, Prome Minister Mike Eman ta bisa. Gobierno a entrega na Parlamento di Aruba den un acto oficial, den presencia di Algemene Rekenkamer e cuentanan anual di Pais Aruba for di aña 1986. “Loke nos a propone den e plan di gobernacion ta wordo cumpli”, e prome mandatario ta bisa.

A tuma dos aña y un esfuerso enorme di Directie Financien, Algemene Rekenkamer, Centrale Accountantsdienst y tambe conseheronan di Gobierno riba tereno financiero pa logra e meta aki. E tabata un proceso cu tabata wordo monitoria di cerca for di oficina di Minister di Finanzas y tambe di oficina di Prome Minister.

“Cu e actualisacion aki, Gobierno di Aruba no solamente ta demostra su compromiso y determinacion pa hiba un finanzas publico sano, pero ta mustra un sentido di madurez y desaroyo cu no tabata conoci prome cu awe,” Prome Minister Eman a declara.

Pa motibo di falta di capacidad humano y tambe prioridadnan cu tabata domina e agenda politico, Teritorio Insular di Aruba, como tambe Pais Aruba, no a entrega su cuentanan anual na tempo. “Den pasado a purba varios biaha cuminsa cu e ehercicio di elimina e retraso, pero esaki no a logra”, minister De Meza ta splika.

“E biaha aki no solamente a elimina e atraso, pero a prepara e caminda pa e reportahenan wordo compila anualmente.” Algemene Rekenkamer di Hulanda como tambe SOAB di Curaçao pa contribui enormemente na ehecucion di e proyecto aki.

Pa medio di dos concepto di ley, Gobierno di Aruba ta entrega tur e cuentanan anual pendiente y te cu aña 2011.

- Advertisement -

DUNA COMENTARIO

Please enter your comment!
Please enter your name here