Home General Habitante a dicidi riba su mes pa laga heavy equipment destrui coral

Habitante a dicidi riba su mes pa laga heavy equipment destrui coral

3
2
SHARE
- Advertisement -

Destruyendo naturaleza pa traha beach priva?

ORANJESTAD (AAN)– Con por ta posible, cu hende ta bin di exterior pa traha y biba na Aruba, y ta kere cu mesora nan ta “heer en meester” di Aruba su naturaleza, y mesora ta traha plan pa destrui esaki.

   Si acaso net dilanti bo cas no tin beach, esey no kiermeen cu bo ta gasta placa pa asina construi un beach, sin preocupa cu bo ta bay destrui coral y demas naturaleza na Aruba.

   Pueblo di Aruba a lanta Diadomingo mainta, furioso cu loke a socede na Boca Catalina.  Diripiente un equipo pisa, trahando mey-mey di laman ta kibrando e coral delicado cu tin eybao.  Tur esey a worde haci, sin preocupa cu nada!

   Gobierno ta hayando un wowo “blauw” di knock-out cu ta bay sacudi e partido na mando, di awor te cu eleccion, pasobra pueblo ta cuminza fada di mira destruccion na naturaleza.

    No ta aki so, sino na area di Urirama tambe, por mira con area di Fundeshi ta worde prepara pa asina cuminza pronto cu construccon di otro Windmolen Park, siendo cu e asunto aki no a ni worde trata den Parlamento.

   Tanto Polis, como tambe Guardacosta Hulandes a acudi urgentemente na Boca Catalina, y nan no por a kere nan wowo!  Sin ningun clase di permiso, a djis laga un equipo pisa cuminza saca coral y demas habitad di hopi pisca, djis pa por a traha un “beach priva” pa habitante cu tin cas bao construccion eybanda.

   Desde ki tempo ta bolbe laga stranheronan bin haci nan mes “baas” di nos naturaleza?  Gobierno y tambe Ministro Dowers lo bay awe cu su TRES FOTOGRAFONAN pa saca potret di loke ta pasando?

   No ta conoci si acaso Polis, como tambe Guardacosta a duna multa den e caso aki.  Pasobra loke a ser cometi aki ta un crimen contra ecologia di Aruba.  Un berguenza di marca mayor!  Si acaso tin permiso a worde duna, e ora Gobierno aki lo tin hopi pa responde riba su forma di actua.

- Advertisement -

2 COMMENTS

  1. Ami ta hanja cu esun cu a duna e trahado e trabow aki pa haci mester hanja un boet basta grandi pa locual cu e la laga haci cu nos bunita naturalesa.
    I esun cu ta drive e heavy equipment ei tambe mester hanja un boet,pasobra e mester sa bob bon cu ta algo bunita e ta derstrui.
    Pa evita e tipo di casonan aki no mester duna permit pa traha cas tanto serca di lama ni cu ta president di merca of qualkjer otro luga.
    Straf e meneer aki i bisele cu e no por haci nada mas cu e parti di lama ei,lage manera cu e la destrui e,ja e por mira ta ki coi hende bobo ela haci.
    I si ta posibel sake foi Aruba mes!!!!!
    Saludos foi Hulanda

DUNA COMENTARIO

Please enter your comment!
Please enter your name here