Homber a muri kima den cas na Juana Morto Complex
ORANJESTAD (AAN): Algo pasa di 12’or di merdia a bati alarma pa un cas na candela, Juana Morto Complex # 8. Na e sitio Bomberonan a topa cu un camber completamente kima y a topa cu un victima den e cas. E homber tabata tur kima y no tabata duna señal di bida.
E victima ta e homber Eric Arrindel di 56 aña di edad. Polis a haye benta abou den su camber y tabata tur kima. A pidi presencia di ambulance mesora pero no por a haci nada pa salba e victima cu na e sitio mes no a duna señal di bida.
Aunke cu e estado cu e tabata aden di kemadura tabata bisto cu e no tabata na bida, toch a solicita presencia di un dokter pa constata morto.
E departamento tecnico di Polis, TOHD, a yega na e sitio pa por a cuminsa cu un investigacion pa por saca afor exactamente kico ta locual a sosode cu a conduci na e final lamentable aki.
Lo mester deduci si e homber a fayece prome cu e candela a cuminsa of si ta door di e candela mes el a kima te muri.
Paz na su restonan y palabranan di condolencia na famianan di e fayecido.
