Home General Minister Mike de Meza a inaugura e di dos Cumbre di Registracion...

Minister Mike de Meza a inaugura e di dos Cumbre di Registracion di Aviacion organiza pa Aeropodium

1
0
SHARE
- Advertisement -

ORANJESTAD (AAN): Diahuebs mainta Minister Mike De Meza a habri e Segundo Cumbre di Registracion di Avion yamando un bon bini na e participantenan, partnernan y tur esnan cu a haci e cumbre aki un realidad.

E mandatario tambe a enfatisa cu como mundo commercial ta avansando globalmente riba tereno di tecnologia, aviacion a keda na frontera globalisacion conectando paisnan desde principio cu e prome avion comercial a ser inventa.

    Desde e tempo ey aviacion a bira un di e avancenan technologico y financiero mas exitoso di mundo, y awendia avionan ta biaha pa tur skina di mundo, pero continuamente manera tur industria, aviacion tambe ta sintiendo e efectonan economico.

Ta den e temponan aki fabricantenan, operadornan, proveedornan, propietarionan di avion y gobiernonan ta buscando ideanan y modelonan inovativo pa bira mas eficiente sin kita su competivismo y seguridad. Apesar di loke a sosode September 11, atakenan terorista, desasternan, malesanan, of ningun otro menaza por a strobe hende di biaha.

   E mandatario a senjala cu nos no mester lubida pa keda competitivo y pa mantene nos credibilidad nos tin cu observa y cumpli cu e standardnan international di mas halto di seguridad y ofrece un servicio remarkable y efficiente na nos usuarionan, ya cu nos sa cu ta e cosnan chikito por haci e differencia especialmente ora cu nos ta proveendo servicionan di registracion di avion.

Especialmente den nos region cu e crecimento di nos bisinjanan den Latino America, nos isla chikito di 140.000 habitante recientemente nos departamento di Aviacion Civil a ricibi 4 applicacion nobo pa certifica operacionan commercial.

   Nos ta invertiendo cu nos partnernan di IASO pa haci nos departamento di Aviacion Civil mas eficiente door di introduci requisitonan regulatorio mas al dia, tecnologianan mas avanza y  externalisando cierto servicionan administrativo pa cumpli cu e demanda pa maximalisa e potencial pa nos economia local.

E mandatario a finalisa splicando cu comprondiendo e rol y futuro di Aviacion Civil y su rol den nos economia mundial y e existencia di Islanan Cayman, Bermuda, Malta, y e Republica di San Marino, cu tin e experencia di Autoridad di Aviacion Civil, cu a crea mercadonan special pa engrandese nan economia local door di crea alternativanan eficiente pa aerolineanan, propietarionan, operadornan y companianan di aviacion pa registra nan avion den un jurisdiccion creibel y bon respeta, asina nos mandatario di Finanzas Communicacion Utiulidad y Energia a termina su discurso.

- Advertisement -

DUNA COMENTARIO

Please enter your comment!
Please enter your name here