Miss Teen Karol Croes a regresa Aruba cu dos titulo
For di Ecuador
ORANJESTAD (AAN): Diadomingo atardi a regresa for di Guayaquil, Ecuador, e simpatica Karol Croes, kende a bay competi na e evento di Miss Teen Earth.
Na luna di Juli cu a pasa, Karol a cay den finalistanan durante e certamen di Miss Teen Aruba teni den Renaissance Conference Center.
E biaha aki el a bay defende nomber di Aruba na Ecuador, unda el a logra cay tambe den finalistanan.
El a sali na di tercer lugar, y den e certamen esaki ta bira conoci como “Miss Teen Fire”.
Fuera di esey, como cu Karol tabata haya demasiado cobertura den prensa Ecuatoriano, el a hasta haya e titulo di “Miss Teen Press”.
Na su yegada na Aruba, el a worde ricibi den VIP Room door di su famia, amigonan, representantenan di SeNd Productions, di GFW Foundation, y prensa local. Pabien na Karol, y danki pa representa Aruba como debe ser.
