Home Politica Reunion di Parlamento tocante Valero a cambia su caracter danki na actitud...

Reunion di Parlamento tocante Valero a cambia su caracter danki na actitud di MEP

0
0
SHARE
- Advertisement -

Segun lider fraccion AVP el a bira un wega politico!

ORANJESTAD (AAN) – Matutino DIARIO a entrevista lider di fraccion di AVP, drs. Rene Herde, tocante e reunion yama pa fraccion di MEP, relaciona cu e situacion di e trahadornan di e refineria.

Parlamentario Herde a señala cu MEP a duna impresion cu nan kier bin cu un solucion, pero loke a resulta ta cu nan kier a kita e mancha politico cu nan a pone riba e trahadornan aki pa hopi aña y lamentablemente nan kier hunga politica riba dolor di e trahadornan aki.

Rene Herde a reitera cu dia cu nan a scucha di e ciere di e refineria nan a festeha esaki, y diaranzon den e reunion por a sinti den nan stem un alegria pasobra e refineria ta stop di opera y ta cambia su strategia.

Nan a bin cu un proposicion pa baha e belasting di loke e trahadornan ta bay ricibi na cero porciento. Esaki e lider di AVP ta mire como un hipocresia pasobra precisamente MEP a aumenta na 2005 di 15 pa 25 porciento.

E mesun partido aki, Rene Herde a subraya, a bisa e doñonan di e refineria pa tume y bay cune y awor nan kier haci comosifuera nan ta para banda di e trahadornan.

El a remarca cu e caracter di e reunion pa loke e mesun MEP a trece dilanti, a cambia.

E no a bira un reunion pa busca solucion, manera e mesun trahadornan a pidi Parlamento siman pasa, pero a bira un discusion politico cu e trahadornan tin nada na esey y absolutamente no tin ni un bentaha pa nan.

Lider di AVP a indica cu na momento cu ta nan turno di papia nan kier a elabora riba un solucion, pero e trahadornan mes a pidi Parlamento pa wanta un rato y no bisa nada te ora nan mes negocia cu e compania, y ta net lo contrario MEP a haci.

Parlamentario Rene Herde a subraya cu AVP ta bay traha cu hechonan tanto pa e trahadornan di pasado, como pa esnan di awor y den futuro, kiermen cu netamente contrario na loke MEP kier, AVP ta bay haci.

Esaki no ta encera un wega politico cu dolor di e trahadornan y dolor di pueblo, pero busca un solucion y esaki ta salvaguardia e refineria cu MEP a tira afo, cu aunke no ta den nan man completamente nan lo haci nan maximo esfuerzo, y pa e trahadornan cu por haya retiro nan ta bay yuda nan, na prome lugar yuda nan financieramente mas cu ta posible y na di dos busca trabao pa nan, pasobra e gran mayoria ta keda na Aruba y nan no kier keda sin traha.

- Advertisement -

DUNA COMENTARIO

Please enter your comment!
Please enter your name here