Home Politica Reunion publico siman pasa ta un di esnan di mas malo cu...

Reunion publico siman pasa ta un di esnan di mas malo cu e por a experiencia

0
0
SHARE
- Advertisement -

Rene Herde, lider fraccion di AVP:

ORANJESTAD (AAN) – Lider di fraccion di AVP, drs. Rene Herde, a pone algun punto di acento riba locual su coleganan Melvin Tromp y Desiree Croes, a trece dilanti den conferencia semanal di prensa.

Aki nan a referi na e reunion publico pidi pa fraccion di MEP tocante e ciere parcial di Valero, y e situacion di su trahadornan.

Parlamentario Rene Herde ta considera e reunion aki como di esnan di mas malo cu a worde experiencia. El a menciona tres aspecto:

El a cuminza pa bisa cu ora ta tende di pueblo cu nan no tin confianza den politica y cu Parlamento no ta funciona, siman pasa nan a mira e pakico.

E trahadornan di Valero mes a pidi pa wanta un rato anto oposicion a haci net contrario. Di dos ta cu si haci algo mes, mester tene interes di pueblo na bista, pero tambe MEP a haci net contrario y a bay tras di su propio interes, pasobra pa nan e no tin otro sentido cu purba score tras e dolor di e trahadornan.

Di tres, e comportacion di e miembronan di oposicion cual tur hende por wak riba e website di Parlamento y huzga pa su mes.

E Parlamentario a comenta cu presidente di Parlamento, cu tin un santo pasenshi, a hala atencion di un hende, y pa e hay asina leu ta pasobra e persona ey a comporta realmente malo.

Rene Herde a expresa cu e ta considera grandeza di un hende cu ora e ta haci un fout e ta bin back pidi disculpa. Tur hende por haci fout, pero pa purba hustifica su mal comportacion el a bay contra presidente di Parlamento loke ta haci puntra – con nos kier pa pueblo tin respet pa politica, y pa nos Parlamento?

Drs. Rene Herde a subraya cu nan tin un caminda largo pa cana como Parlamento. Y si un di e personanan aki bin bisa cu nan kier hisa e nivel di parlamento, e lo corda nan riba e reunion di siman pasa.

Den e periodo cortico cu Rene Herde ta den Parlamento, e ta considera e reunion aki como un di esnan di mas malo y di nivel mas abao cu tabata tin, sin contenido, sin resultado y sin meta, pues un berguenza!

Herde a subraya cu e abogado y empleadonan a pidi Parlamento pa no haci nada y laga nan negocia cu e compania pa nan no worde perhudica.

Esey el a mustra un trahador cu kier a discuti den tribuna. Rene Herde a subraya cu e no tabata tey pa discuti cu trahador, pero no ora un trahador ta bin pa su interes y pa hunga politica.

- Advertisement -

DUNA COMENTARIO

Please enter your comment!
Please enter your name here