Sinopsis discurso Rector Glenn Thode na ocasion apertura Aña Academico Universidad Aruba
ORANJESTAD (AAN) – Rector di Universidad di Aruba mr. Glenn Thode, a hiba su discurso di apertura oficial di e Aña Academico 2012-2013, diabierna anochi.
DIARIO ta resumi parti di e discurso di Rector mr. Glenn Thode.
Rector mr. Thode a cuminza expresando cu ora Universidad di Aruba, a habri su portanan pa studiantenan, mescos cu e anochi aki pa di 25 biaha, nan a crea un expectativa meymey di e studiantenan e tempo ey.
A crea e expectativa cu lo bira un instituto academico pa e studiantenan, y pasobra e ta e Universidad di Aruba su educacion ta esun di mas halto, y realmente esaki su principal interes.
Parti di e nivel halto di educacion aki ta promove e concientizacion cerca alumno y studiantenan y esaki ta hancra den e articulo 3 di e status legal di Universidad di Aruba: promove e concientizacion y responsabilidad civico, loke bisa na Hulandes ta: “bevordert het maatschappelijk verantwoordelijkheidsbesef”.
Rector di Universidad a expresa: “Pero laga mi puntra boso: lo ta posible pa nos ta docentenan di e educacion di mas halto, si nos mes no ta educa cu e calidad y sabiduria mas halto posible?”
El a agrega cu educcion halto ta posee un cualidad interesante. Dicho cualidad ta instila den hende e habilidad di pensa di manera independiente y riba camindanan abstracto, y ta intrinsicamente inspira pa busca conocimento y sabiduria y bira capaz pa inspira otronan pa bay den un viahe di concientizacion progresivo y atento.
Algun persona ta califica esaki como e caminda pafo di e scuridad di ingnorancia y mediocridad, den un estado di civilizacion y bida di desperta y desperta.
Rector mr. Glenn Thode a indica cu ta facil pa pretende di ta un Universidad, un Academia comunitario, pasobra tin un edificio y debi cu hopi hende ta pidi pa lectura y tin profesornan cu ta haci esakinan usando palabranan grandi y bunita cu ta identifica e Universidad, pero el a elabora riba kico realmente mester pa ta un Universidad Academico. El a elabora riba esaki, seguidamente. Na final Rector mr. Thode a bisa cu pa e siguiente aña, cu ta e di 25 aña di existencia di Universidad di Aruba, e kier organiza hopi actividad den cualnan e cualidadnan academico mester ta e yabi y meta di estudio y debate.
