Home Politica Ta un hilaridad cu MEP despues cu pa 6 aña no a...

Ta un hilaridad cu MEP despues cu pa 6 aña no a haya caminda di Bushiri awor den 4 luna nan ta haye y ta cuestiona un proceso transparente

2
0
SHARE
- Advertisement -

Minister Oduber:

ORANJESTAD   (AAN):    Algun miembro di prensa a acerca Minister Otmar Oduber diaranson atardi pa e duna un reaccion riba e declaracionnan sin base tresi pa dilanti door di miembronan di partido MEP pa loke ta trata Bushiri Hotel.

    Eddie Briesen a declara cu e grupo cu lo a desaroya inicialmente Bushiri despues cu Minister Oduber a asumi e responsabilidad ministerial, esta Baron Investment no lo a keda number dos den e destaho publico cu a worde realiza bou maneho di Sr. Briesen.

    Pa mustra e mentiranan presenta e ex minister di Turismo, Minister Otmar Oduber a presenta un rapport cu a worde entrega na 2006 na Sr. Briesen y cu a worde traha pa e comision di 7 persona cu e mes a insitala, consistiendo di Jansen, Sjak-Shie, Martis, Bareño, Fingal, Vrolijk y Israel. Den e rapport aki por mira cu tin un conseho di 3 compania: 1. Fresnos Melia; 2. Baron Group; 3. Riverol & Partners.

    “Atrobe nos ta gara Sr.Briesen den su desastre cu el a haci cu Bushiri papiando mentira”.

    Briesen tambe a bisa cu Fresnos a cumpli cu tur rekisito, pero e mesun comision ariba menciona ta bisa cu e grupo aki falta algun apecto tecnico y informacionnan importante di indole financiero cu si ta worde menciona den e RFP (Request For Proposal).  A pesar di esaki, ex Minister Briesen a otorga e proyecto na e grupo aki.

    Como number 2 tin Baron Group, lo cual ta demostra e mentiranan di Sr. Briesen un biaha mas cu a bisa cu e grupo aki no a ni cualifica.

    Na momento cu Otmar Oduber a asumi responsabilidad ministerial a acerca tanto e grupo di Baron como esun di Riverol pa no sigui tarda e proceso di 6 aña largo caminda Sr. Briesen a sigui carga e grupo di Fresnos (cual por cierto algun luna atras el a sigui sostene den corte, despues di a perde ya caba 4 caso contra Gobierno). E grupo di Baron a mustra interes, mientras cu e otro no, y asina a inicia e proceso cu Baron, cual no a concretiza.

    Mirando esaki, Minister Oduber a realiza un destaho publico nobo cu a worde gana pa e compania Southwest, cu ta den proceso na e momentonan aki pa cumpli cu tur e rekisitonan exigi.

    E mandatario ta haya si un hilaridad con pa 6 aña largo nan (MEP) no a haya caminda di Bushiri y awor den 4 luna di tempo nan a haye y kier cuestiona un proceso transparente.

    Riba 11 di april di 2012, a base di un rapport entrega dia 28 di maart 2012 y cu a worde entrega pa un comision encabeza pa Banco Central di Aruba y su vice presidente tabata di Camara di Comercio di Aruba, hendenan, institutonan renombra y integro den nos comunidad, a otorga Southwest Development NV e autorizacion pa desaroya Bushiri Hotel den un Hard Rock Hotel.

    Minister Oduber a otorga dia 8 di augustus un extension, apenas 3 luna despues cu e grupo aki a haya e autorizacion cu nan ta esun cu mag desaroya e proyecto. E extension aki ta caduca dia 31 di october 2012 y ta bisa cu pa final di september mester firma e parti di equity (e parti cu nan mester pone como eigen inbreng den e proyecto) y tambe cu promer cu 31 di october mester percura pa tin un acuerdo di operacion cu Hard Rock Hotel & Casino pa e sitio aki.

- Advertisement -

DUNA COMENTARIO

Please enter your comment!
Please enter your name here