Home Politica Turismo ta bira awor hopi mas importante pa economia di Aruba

Turismo ta bira awor hopi mas importante pa economia di Aruba

0
0
SHARE
- Advertisement -

Jim Hepple di AHATA:

ORANJESTAD      (AAN): AHATA tabata presente durante un Dialogo Social yama di urgente ayera den oranan di merdia relaciona cu e decision di Valero pa move for di operacion di rafinamento di crudo pa operacion di e terminal di transshipment.

     Jim Hepple, CEO di AHATA, na final a declara, riba pregunta di prensa, cu e decision di Valero pa para su operacionnan di refineria ta mucho mas amplio cu esey so.

E cambio di operacion for di refineria pa uno di transshipment lo bay tin su impacto riba e forsa laboral.

Y un di e puntonan di discusion den e Dialogo Social tabata con sector di turismo lo por yuda den e area aki. Sinembargo Hepple a bisa cu esaki ta un discusion cu a cuminsa cune caba for di luna di maart caba ora cu Valero a dicidi pa baha su plantanan.

    Na e ocasion ey Minister Otmar Oduber a acerca sector hotelero pa mira cual ta e chensnan of cuponan cu lo por tin den e sector aki pa trahadonan di Valero cu worde manda cas. “Pues nos a bin ta trahando algun tempo caba hunto pa e eventualidad aki di cierre di e refineria. Pero mas cu e punto ariba menciona, y e conversion di operacion di rafinamento di petroleo pa transshipment, pero e discusion tabata riba kico e impacto esaki lo tin riba entrada di Gobierno .

     Segun Hepple a compronde di e discusionnan aki, tin dos elemento y esaki ta cu Valero lo bay ta pagando menos den e aspecto di entrada, cu ta un parti chikito cu mester mira con ta bay atende cune. Pero tambe tin otro aspectonan cu tin di haber cu actividadnan economico en general den e pais. Con e lo impacto turismo, ta algo cu a bin ta worde discuti caba entre gobierno y sector di turismo. No mester pensa cu esaki lo bay baha e competitividad di Aruba den turismo. E ta un mercado dificil caba na e momentonan aki y ya caba Aruba tin un reputacion di ta un tiki caro.

   “Nos no por haci nada pa pone nos sector di turismo na peliger. Nos no kier haci nada cu ta hacie pio. Y esaki ta e discusionnan cu nos a cuminsa cune den e Dialogo Social.” Turismo awor cu e refineria abou ta bira hopi mas importante pa e economia di Aruba. Mester haci tur cos pa sigura su exito y no haci nada pa pone e competitividad di Aruba na peliger.

 

- Advertisement -

DUNA COMENTARIO

Please enter your comment!
Please enter your name here