Home Politica Booshi mester ta homber y no purba sconde bisa cu no a...

Booshi mester ta homber y no purba sconde bisa cu no a menciona nomber

1
0
SHARE
- Advertisement -

Booshi Wever ta bon yora….

ORANJESTAD    (AAN):    Increible pa scucha Booshi Wever ta yora na television diaranzon anochi. Booshi Wever ta kere cu e por ofende tur hende of media y nan mester bay su conferencianan y publica su articulonan cacalaca cu su ruman cobrando miles di Florin di pueblo ta traha pe.

   Tur siman sagradamente diahuebs 9or DIARIO, Tele Aruba, ATV tey pa cubri su conferencianan. Tambe mesun reporteronan of periodista cu Booshi Wever kier tilda, manera un cobarde sin menciona nomber, ta cubri su conferencianan y mande pa tur radio news mas scucha na Aruba.

    Awor Booshi Wever ta gasta miles di Florin di pueblo na firstclass den avion pa bay papia un cantidad di disparate riba prensa di Aruba den parandanan latino.

      Den bida no mester menciona nomber di hende pa bo sa di kende nan ta papia. Mescos ora bo papia di un ex minister cu a falsifica diploma tur hende sa cu ta Booshi. Esey ta djis un ehempel.

     E problema ta cu e ta acusa periodistanan di ta cobra placa di gobierno y un cantidad mas di cos sin prueba atrobe. Te hasta un media digital cu tambe ta publica tur su cosnan e ta menciona. Si no ta cubri bo conferencia of no ta publica bo articulonan sin prueba ainda bo por habri bo boca. Pero asina mes cu ta publica bo porkerianan di articulo bo kier bin insulta medianan na Aruba. Wel ta stop di bay bo conferencianan y e porkerianan di articulo sin prueba cu bo ta manda ta worde sin publica. Awor bo ta kere cu ta boycot.

    Wel abo mester midi bo palabranan Booshi ora bo ta expresa bo mes cu mentiranan te hasta den Paradanan Latino manera esun na Uruguay. Kico bo ta kere cu prensa mester dibo. Bo ta e ex minister mas abusador cu prensa a yega di conoce.

    Pa sconde bo cosnan bo tabata prohibi tur hefe di departamento di papia cu prensa. E unico cu por a bisa algo tabata bo mucha manda e tempo ey na IMSAN. Pesey mes stop di yora awor si Booshi pasobra tur tempo Tele Aruba, ATV, DIARIO y e reporteronan cu awe bo ta critica a cubri bo cosnan y pasanan of publica nan.

    Pesey mes si bo ta kere cu hende ta cubri y duna bo cobertura y asina mes bo ta criticanan, anto no ta cubri of publica cosnan di bo mas. Tin noticia cu mucho mas balor cu e retazo di press release cu bo ta manda. Bo tin mas media y djis manda bo articulonan pa nan sin yora pasobra otronan pa bo mesun motibo a stop di asisti bo conferencianan.

   Un biaha mas bo ta duna honor na bo mes cu bo ta un papiador di cacalaca. Si no tin libertad di prensa manera bo ta bisa anto diaranzon anochi bo no por tabata na Tele Aruba.

- Advertisement -

DUNA COMENTARIO

Please enter your comment!
Please enter your name here