Home Politica Booshi Wever dikon ainda bo no ta splica pueblo dikon bo mes...

Booshi Wever dikon ainda bo no ta splica pueblo dikon bo mes ta firma pa legaliza stranheronan na Aruba?

1
0
SHARE
- Advertisement -

Pruebanan ta cla pa plak den bo cara….

ORANJESTAD(AAN): Booshi Wever ta grita den conferencianan atakando stranhero y gobierno etc riba maneho di estranheria.

   Pero manera un sin berguensa shon Booshi mes ta firma pa legaliza stranhero na Aruba.

Un hende asina ta peligroso pero hopi falso tambe. Si bo ta expresa rabia riba stranhero ta con bo mes por firma pa legaliza stranhero cu no mag di tey riba e pida baranca aki.

   Ta kico ta pasa den bo cabez. Awor a yega ora pa Booshi Wever keda keto pa semper riba maneho di stranheria.

Si berdad bo tin e pueblo na pecho pasobra nan no tin trabao como yiu di tera, anto bo mes no por firma pa stranhero bira legal y haya trabao.

   Sinberguenseria esey ta di un politico. Mas tristo ta ora propio Booshi Wever cu tempo e tabata minister a corta caminda cu tur tipo di ley awor kier manda cartanan cu tono fresco tambe pa DIMAS exigiendo pa su ilegal goza di e cambionan cu e gobierno actual a introduci y cu Booshi mes ta critica. Un hende asina mester ta hopi falso mes.

   E dianan aki DIARIO lo pone tur prueba riba mesa pa pueblo mes saca conclusion con Booshi Wever ta viola leynan di estranheria door di laga hende cu e ta firma pe bira ilegal y despues bolbe firma pa hacie legal.

   Haci manera ta su trahador e persona ta comosifuera na Aruba no tin hende pa haci e trabao cu el a firma pa e stranhero aki. Foei Booshi stop di hunga cu e pueblo aki.

- Advertisement -

DUNA COMENTARIO

Please enter your comment!
Please enter your name here