Home General Cambio di maneho den inscripcion y renobacion pa esnan cu ta registra...

Cambio di maneho den inscripcion y renobacion pa esnan cu ta registra na AZV abase di permiso

0
0
SHARE
- Advertisement -

Vocero di AZV:

ORANJESTAD    (AAN):    Esnan cu tin permiso y tin AZV como seguro mester tene na cuenta cu diferente aspecto entrante prome di Januari 2013.

   Solange Tchong vocero di AZV den un conferencia di prensa a splica un tiki riba e cambionan aki.

     A señala cu ta bay un cambio den e maneho di inscripcion y renobacion di AZV. Esaki ta specificamente pa e aseguradonan inscribi na AZV a base di un permiso.

    Contrario na pasado unda tabata permiti pa renoba e inscripcion di AZV abase di un comprobante di pago di e permiso na Servicio di Impuesto, hunto cu un prueba cu e persona tin un cita na DIMAS, entrante 1 di Januari 2013 esaki no ta posible mas.

    E documentonan cu AZV lo acepta entrante Januari 2013 ta e permiso nobo of e comprobante di peticion na DIMAS pa un permiso nobo, a bisa.

    Solamente ora e asegurado pasa AZV prome cu e fecha di vencimento di su carchi, AZV por renoba e poliza di e asegurado sin interupcion. Despues di e fecha di vencimento di e carchi, e renobacion di e poliza ta conta riba e fecha cu e persona a presenta na AZV, a remarca.

     Segun Sra. Tchong, e gastonan medico cu a ser haci durante e periodo cu e persona no a renoba su carchi di AZV ta core pa su propio riesgo.  AZV no lo restitui gastonan medico den e periodo ey.

- Advertisement -

DUNA COMENTARIO

Please enter your comment!
Please enter your name here