Home Policial Criatura di 6 aña ta muri hoga na Hooiberg

Criatura di 6 aña ta muri hoga na Hooiberg

13
0
SHARE
- Advertisement -

ORANJESTAD   (AAN): Un caso hopi tristo a keda registra na Hooiberg, y cu a resulta fatal pa un hobencito, gozando di su siman di vacacion na Vacation Waterpark.

   Tabata algo despues di 2:30’or, cu dos hoben masculino, y dos hoben femenino ta landa y cana den e piscina, a pasa ‘trapa’ algo abao. 

Uno di nan a splica na DIARIO, cu el a kere cu ta un ‘bala’ el a trapa, y a sinti su curpa mishi cu e obheto dos biaha.

   Ora cu a dicidi na wak mihor ta kico tin na e suelo di e piscina, a bin nota cu ta un mucha homber chikito ta abao.

   Mesora un di e hobennan di fam Heyliger, a tene rosea, sambuya bay abao y bin ariba cu e hobencito, y cuminza grita pa auxilio.  E ora demas personanan eybanda a core yega cerca y duna man.

   E mucha cu ya no tabata reacciona, a worde treci na banda y esnan presente a cuminza practica CPR riba dje, pa purba na saca awa di su pulmon, y trata na haya un pulso.

   Tabata exactamente 2:41 p.m., cu Polis a haya e yamada di e caso.  Dos unidad di Ambulans a yega, hunto cu Polis, y mesora a cuminza traha riba e hobencito pa purba stabiliza su curpa.

    Personal di Ambulance a traha pa trata di rebiba e victima, pero a haya cu ta necesario pa hibe cu urgencia pa Hospital.  Asina e dos Ambulans a sali, mientras cu un unidad di Polis a bay dilanti, pa habri caminda.

   Na Servicio di Emergencia na Hospital, ya caba tabata wardando riba su yegada, pa asina trata tur lo posibel pa scapa su bida.

   Lamentablemente pa 3:50’or di atardi dokter Croes ta constata morto di e hobencito Alan Li naci na Aruba dia 14 di januari 2006 y biba na Sero Blanco.

    Fiscal no a haya ta necesario pa tuma e curpa den beslag y a entrega esaki na famia. Recherche di Santa Cruz ta esun cu a haci e entrevista y investigacionnan necesario. Paz na su restonan y forza na e famia.

- Advertisement -

DUNA COMENTARIO

Please enter your comment!
Please enter your name here