RBC ta lansa campaña di fin di aña
ORANJESTAD(AAN): RBC Bank a lansa su campaña nobo di Fin di Aña cu ofertanan special riba prestamo pa auto, hipoteca y tambe “Home Equity loan”.
E campaña ‘E Countdown pa Pasco a cuminsa’ sigur ta uno atractivo cu tin interesnan reduci riba prestamo pa auto cu ta bay te cu 8.75% APR y riba Hipoteca y Home Equity Loan te cu 6.75% APR! Ademas tur esnan cu aplica pa nan prestamo pa auto ta haya 40% di descuento riba nan seguro di auto.
E prestamo yama “Home Equity” y ta ofrecebo e oportunidad pa financia e proyectonan di bo soño cu un pago mensual super atractivo. E “Home Equity Loan” ta lagabo haci uso di e balor di bo cas. Si e balor di bo cas ta mas halto cu e balansa di bo hipoteca, RBC ta duna bo e oportunidad pa probecha di e capital aki.
RBC Royal Bank ta e banco di escogencia pa tur tipo di prestamo y ta distingui su mes no solamente door di ofrece interesnan atractivo. RBC ta pone hopi enfasis den guia tur su clientenan na e momento di haci decisionnan corecto y importante den bida ora ta trata di un prestamo financiero.
E tremendo campaña aki a cuminsa caba y ta termina 31 di december 2012. Na final di e campaña RBC lo saca for di e clientenan cu nan aplicacionnan a worde aproba, 3 ganador cu lo gana un iPad.
RBC Royal Bank ta extende un invitacion na tur su clientenan pa bishita nan branch preferi pa asina ricibi mas informacion tocante e campaña. Ora di aplica corda trece dos ID valido, dos ultimo payslip, si ta cobra pa quincena cuatro ultimo payslip y carta di referencia di trabao.
