Archivo di November, 2012

HOH ta na altura di e problema cu Tuberculosis na Aruba y esaki tin e debido atencion

Publication: Friday, 30 November 2012. Categoria: General

Director Medico di Hospital

ORANJESTAD    (AAN):    Dr Jaime Falconi, Director Medico di Hospital a papia den conferencia di prensa riba e situacion di Tuberculosis aki na Aruba. Esaki relaciona cu e caso cu a presenta na Colegio Arubano.

    Dr. Falconi a splica cu algun tempo nan ta na altura caba di e problema cu Tuberculosis na Aruba y debido atencion a ser duna na dje.

   A enfatiza cu e situacion aki a ser treci pa dilanti den un forma cu lo por trece un tiki confusion. Ta pesey cu el a pidi presencia di dos specialista di pulmon Dr. Kock y Dr. Schwengle pa duna prensa mas informacion riba tuberculosis     

Muher tambe envolvi den atraco arma na Brazil Food Center

Publication: Friday, 30 November 2012. Categoria: Policial

ORANJESTAD(AAN): Aparentemente no ta tur hende ta cobra fin di  luna, y pesey algun anti-social a dicidi na bay regala nan mes un salario.

   Tabata Diahuebs algun minuut pasa di 9’or di anochi cuater atracador a drenta Food Center na Brazil, y na tono fuerte a cuminza ta exigi pa placa.

   A bay cu un suma di alrededor 1.500 Florin. E atracadornan tabata arma cu arma blanco y tambe un arma di candela.

Como 26 Pasahero Colombiano a keda atras ilegalmente cu prome bishita di crusero Horizon

Publication: Friday, 30 November 2012. Categoria: General

ORANJESTAD(AAN): Esaki ta e temporada crusero pisa cu a cuminsa. Diahuebs mes por a mira un cantidad di turista moviendo den nos cayanan. Companianan di tour tabata sali bon carga cu cantidad di turista. E tabata un bon siman pa esnan cu a traha duro.

   Asina mes tin un preocupacion cu un compania crusero cu ta yega nos isla. Su ruta ta causando problema pa seguridad di nos isla. E barco Horizon di Pulmantur a yega Aruba pa su prome bishita dialuna cu a pasa.

Honor special di ATA y gobierno pa capitan Tringale pa e rol importante pa Carnival bolbe Aruba

Publication: Friday, 30 November 2012. Categoria: General

ORANJESTAD(AAN): Aruba a yama bon bini na e barco nobo y prestigioso Breeze, cu a drenta nos waf pa prome biaha.

E barco ta cay bao di e asina yama categoria ‘Fun Ships’ di e linea di Carnival Cruise Lines y a inicia su prome viahenan crucero e aña aki na luna di mei, desde Italia.

   Cu un total di 3.700 pasahero y 1.386 tripulante, Carnival Breeze ta un di e cruceronan mas grandi den su linea.

E linea crucero Carnival ta hunga un papel importante den nos industria di crucero pa Aruba, pa aña 2013, nan a proyecta 27 bishita den nos waf di Carnival Breeze, Carnival Freedom y Carnival Victory pa Aruba.

Experto di Hulanda lo ta yegando Aruba otro siman pa haci un investigacion riba loke a sosode den sala di operacion

Publication: Friday, 30 November 2012. Categoria: General

Lo haci otro investigacion riba funcionamento di e sala!

ORANJESTAD  (AAN):   Diahuebs atardi na Dr Horacio Oduber Hospital tabata tin un conferencia di prensa relaciona cu e asunto di tuberculosis na Colegio Arubano.

   Pero banda di esaki, Dr. Jaime Falconi, Director Medico di HOH a duna di conoce cu e conferencia di prensa aki ta den e cuadro di transparencia cu mester existi. Sigur ta importante pa duna informacion di parti di hospital riba loke a sosode algun siman pasa den sala di operacion.

    Dr. Falconi a bisa cu Hospital lo haci un investigacion profundo di loke a sosode den sala di operacion y na mesun momento wak e funcionamento di sala di operacion.

Arubus a reuni cu Vaste Staten Commissie Overheids NV’s en Nutsbedrijven

Publication: Friday, 30 November 2012. Categoria: General

ORANJESTAD (AAN): Riba peticion di voorzitter di e comision Sr. Andin Bikker, Arubus a duna un presentacion na e comision di Vaste Staten di Overheids NV’s en Nutsbedrijven.

   Esaki tabata en conecion cu e lansamento di e proyecto nobo di Arubus esta Smartcard. Aki a duna un splikacion amplio di con e sistema ta traha, con e ta bayendo y tambe kico ta e ventaha nan cu esaki ta trece cu ne pa Arubus. Esnan cu tabata presente ta Sr. Donny Rasmijn, Sr. Chris Dammers, Sr. Sergio Boekhoudt, Señora Lorna Varlack y tambe Sr. Andin Bikker.

Aruba ta ‘on track’

Publication: Friday, 30 November 2012. Categoria: General

Prome Minister Eman na apertura oficial di Super Food

ORANJESTAD(AAN): E ambiente cu tabata reina dilanti e tienda nobo y moderno di Super Food diahuebs mainta tabata uno di positivismo.

Anima pa Erin Croes di Magic FM director di Super Food Jack Bult y diferente miembro di personal a hiba palabra.

   Pero, prome cu esaki algun fundacion a haya un cheque di Super Food pa nan bon trabao pa comunidad y medio ambiente di Aruba.

Minister President Mike Eman contento cu acuerdo pa crea oportunidad na Aruba pa yiunan di tera cu ta studia medicina den region Latino Americano

Publication: Friday, 30 November 2012. Categoria: General

ORANJESTAD(AAN): Diaranson anochi tabatin un encuentro cu un grupo grandi di representantenan di organizacionnan cu ta traha riba tereno di medicina na Aruba.

   Meta di e reunion aki tabata pa discuti y yega na firma un protocol pa ofrece yiunan di tera cu ta studiando medicina den region un oportunidad pa traha aki na Aruba.

Prome Minister Eman a bisa di ta contento cu na final di e reunion a yega na un acuerdo, pasobra ta importante pa crea oportunidad pa nos yiunan di tera worde incorpora den e mundo medico na Aruba.

Kitnan di panel Solar di NV Elmar a yega Aruba

Publication: Friday, 30 November 2012. Categoria: General

ORANJESTAD (AAN): Bon noticia!  E Solar Panel Kits di NV Elmar a yega Aruba y benta ta progresando. Ya cinco famia a cumpra nan solar panel kit. Elmar ta ripara cu e interes den energia solar a subi considerablemente y hopi hende ta acerca Elmar pa busca mas informacion.

Elmar ta wak futuro den energia solar y lo traha duro pa por brinda Aruba un tremendo producto cu servicio amplio.

   Elmar ta bende Solar Panels di marca ASP cu ta produci na Merca. A scoge pa e marca aki pa motibo cu e ta di calidad halto.

E solar panels tin certificacion internacional. Cual un di nan ta garantisa cu e solar panel ta wanta e salpeter cu nos tin na Aruba. E fabrica ta extende un garantia di 25 aña y Elmar lo intermedia encaso cu mester claim e garantia.

Director di EPE ta pidi empresarionan pa duna un man di berdad

Publication: Friday, 30 November 2012. Categoria: General

Tur hende merece un di dos chens:

ORANJESTAD (AAN) – Den entrevista cu Matutino DIARIO, señor Gregory Koolman, director di Enseñanza pa Empleo,a relata tocante cursonan nobo cu  EPE ta bay imparti na aña 2013 y a referi tambe na otro cursonan cu ta andando.

Despues di un pause Enseñanza pa Empleo ta bolbe drenta Instituto Coreccional Aruba (KIA), pa duna les y yuda asina rehabilita e presonan.

Señor Koolman a expresa cu e lesnan aki tambe ta un forma pa relax e detenidonan y claro, pa ora nan sali nan por integra back den comunidad.

Enseñanza pa Empleo a lanta na 1988 pa prepara ex-trahadornan di Lago drenta den HORECA

Publication: Friday, 30 November 2012. Categoria: General

Awor EPE ta bay na su mision inicial:

ORANJESTAD (AAN) – Algun siman atras Minister Presidente a señala cu Enseñanza pa Empleo tin un tarea pa haci cu e trahadornan cu a perde nan empleo den e refineria.

Den entrevista cu director di EPE, señor Gregory Koolman, Matutino DIARIO a puntre ta kico e tarea aki ta.

El a menciona con EPE ta bayendo den su mision oficial ya cu el a lanta na 1988 pa prepara e ex-trahadornan di Lago drenta den sector Horeca.

Diadomingo awor tin charla di canoa y navegacion na Museo Arqueologico

Publication: Friday, 30 November 2012. Categoria: General

Duna pa antropologo Wayuu, Dr. Weildler Guerra

ORANJESTAD (AAN): Na November 2011, Prome Minister Mike Eman a viaha cu un delegacion di Museo Arqueologico Aruba pa Riohacha, Colombia den cuadro di 25 aña Status Aparte cu e meta pa subraya e origen y historia comparti di e pueblonan di Aruba, Colombia y Venezuela.

   E Gerente di Banco de la Republica na Riohacha Dr. Weildler Guerra, kende ta di descendencia Wayuu y antropologo a fungi como un di e anfitrionnan di e delegacion.

El’ a prepara un programa caminda e delegacion di Aruba por a profundiza den historia y tradicion di e comunidad Wayuu y intercambia tocante e similaridad y diferencia cu nos cultura y historia.

ATA nunca a wordo envolvi den Aruba Music Festival pero di su presupuesto mester a paga!

Publication: Friday, 30 November 2012. Categoria: General

Minister Otmar Oduber:

ORANJESTAD (AAN) – Den conferencia di prensa, Minister di Labor, Transporte y Turismo, señor Otmar Oduber, a referi na e sentencia cu Corte a dicta pa señor Eddie Briesen.

Esaki ta cu e ex-minister di Turismo mester bay duna cuenta dilanti di Huez na Januari proximo, tocante un contrato nobo, firma pa alrededor di siete miyon florin cu e grupo Aruba Musical Festival, sin cu e contrato pa e eventonan di 2008 y 2009 a expira ainda.

Minister Oduber a referi na un investigacion tumando lugar door di Central Accountings Dienst y Ministerio Publico, relaciona cu e contrato aki, cu a wordo firma na aña 2008, pa añanan 2010 te 2013 y faltando ainda esun di October 2009, cu Aruba Music Festival.

Espectaculo Local

Publication: Friday, 30 November 2012. Categoria: General

Obituario Diabierna 30 November 2012

Publication: Friday, 30 November 2012. Categoria: Obituario