Home General “LOTTO pa Deporte na San Nicolas lo bira realidad prome cu fin...

“LOTTO pa Deporte na San Nicolas lo bira realidad prome cu fin di aña!”

0
0
SHARE
- Advertisement -

Minister Mike De Meza

ORANJESTAD (AAN)- Minister Mike De Meza a expresa palabranan di satisfaccion durante e apertura di e oficinan nobo multifunctional di LOTTO pa Deporte cu awor ta situa den Paardenbaai straat.

    E mandatario a reitira e importancia di un loteria pa sosten na deporte di Aruba, pero en especial na formacion social di nos hobennan y demas deportistan na Aruba.

E minister tambe a expresa palabranan di gratitud na nos Minister di Salubridad Publico y Deporte Dr. Richard Visser pa su vision y dedicacion na deporte pa Aruba cu for di inicio di gobernacion di gabinete Mike Eman na 2009 a ranca sali agresivamente na mehoracion di nos facilidadnan deportivo cu a conduci na mehoracion di nos deportistanan.

     Minister De Meza tambe tabata tin palabranan di elogio na tur trahador di Lotto,  e director Sr. Ronald van de Berg, CBN(Canadian Bank Note) nos partnernan strategic, pero na e directiva di Lotto en especial pa nan contribucion cu como un berdadero equipo pa realisa e proyecto aki.

     Na final di su discurso Minister Mike De Meza a anuncia cu oficinanan di LOTTO lo bira realidad na San Nicolas cu un facilidad multifunctional tambe prome cu fin di aña, pa facilita tur su usuarionan pariba di brug pero di San Nicolas en especial,  pueblo di Aruba pabien!

- Advertisement -

DUNA COMENTARIO

Please enter your comment!
Please enter your name here