Home General Departamento di Enseñansa Aruba cu informacion importante di Arubalening

Departamento di Enseñansa Aruba cu informacion importante di Arubalening

8
0
SHARE
- Advertisement -

ORANJESTAD (AAN): Departamento di Enseñansa Aruba (DEA) ta haci un yamada na tur esnan cu ta desea di cuminsa cu un estudio cu financiamento di Gobierno na aña escolar 2013/2014, pa aplica pa Arubalening no mas tarda cu diabierna dia 7 di december proximo.

   Download Foyeto di Informacion y Formulario di Aplicacion for di nos website

   Pa aplica pa Arubalening mester haci uzo di e formulario di aplicacion cu ta obtenibel riba e website Enseñansa Aruba na www.ea.aw. Riba dicho website por haya informacion relaciona cu studiamento, financiamento di estudio y guia pa scoge estudio.

Tambe por haya mas informacion di e procedura di aplicacion, condicion pa bin na remarca, e sumanan di e prestamo, e duracion, finalisacion y pago di e prestamo.

Acudi na nos website y busca Arubalening na letter A den e alfabet menu. Aki lo por download e foyeto di informacion y formulario di aplicacion.

   E peticion pa un prestamo pa estudio mester keda entrega na seccion “Studiefaciliteiten” di Departamento di Enseñansa Aruba. E seccion aki ta ubica riba e prome piso den ex edificio di Codemsa na Cumana 69. Pa cualkier pregunta por tuma contacto cu email arubalening@ea.aw.

   Facebook:  Departamento di Enseñansa Aruba tambe ta activo riba Facebook. Aki regularmente nos ta publica informacion relaciona cu buscamento di kamber, firmamento di contract, informacion relaciona cu seguro, momento di uitschrijving y otro informacion cu ta relevante y importante pa esnan cu ta aplica pa Arubalening. Pues ta conseha tur esnan cu ta aplica pa Arubalening pa like nos facebook page facebook.com/educationaruba pa keda na altura di tur informacion.

   Aruba College Fair:  Departamento di Enseñansa Aruba tambe lo ta presente durante e Aruba College Fair diabierna y diasabra 9 y 10 di november, pa duna informacion di Arubalening y contesta tur e preguntanan cu por tin.

  Ultimo fecha pa aplica pa un prestamo pa estudio.  Ta enfatisa cu e peticion pa un prestamo pa estudio mester ta entrega no mas tarda cu diabierna dia 7 di december 2012 na Departamento di Enseñansa Aruba. Tur peticion cu drenta despues di dia 7 di december 2012 lo tin un ingangsdatum di 1 januari 2014. Ta pidi tur studiante pa por fabor tuma bon nota di esaki

- Advertisement -

DUNA COMENTARIO

Please enter your comment!
Please enter your name here