Home Politica Evelyn na radio a mustra su cara verdadero di arogancia

Evelyn na radio a mustra su cara verdadero di arogancia

1
0
SHARE
- Advertisement -

Mervin Wyatt-Ras:

ORANJETSAD (AAN); Parlamentario Mervin Wyatt-Ras, despues di a contesta un articulo mahos y denigrante contra su persona den e corant di Santa Cruz, a tuma nota di un otro articulo mahos den e corant aki, unda cu ta insulta Wyatt-Ras di hopi cos.

   A yame cabez duro, hasta a trata di touch capacidad y credibilidad di e parlamentario. Tur esaki djis pa defende Evelyn.

Esaki ta sumamente straño pa un corant trata di caba cu un persona manera Mervin djis pa defende un otro politico di kizas su preferencia.

   Mervin Wyatt-Ras ta bolbe trece padilanti cu e lo keda defende e berdad paso ni con Evelyn y e otro politiconan di MEP keda defende nan votacion pa ley di austeridad ta keda cu nan a vota pa nan propio interes, mientras cu e lider cu mester defende partido no a vota mes.

   E siman aki na Radio despues cu e  parlamentario independiente a yama pa defende contra e ofensanan den su direccion y por a expresa su mes pa medio di director di e emisora,  Evelyn a yama y cu arogancia maximo el a trece dilanti cu e no ta comunica cu independientenan.

   Esaki no a ser spera di su persona cu ta pretende di ta un persona habri y cu tin respet pa otro hende. Mervin Wyatt-Ras ta trece esaki padilanti a peticion di diferente ciudadano cu a haya cu no ta manera pa Evelyn ta para lastra e parlamentario. Esaki ta kibra credibiildad di Evelyn cu ta haci manera e ta un otro persona. Mervin Wyatt-Ras ta trece padilanti cu pe e berdad semper lo alcansa e mentira y cu e gañamento cu votacion pa e ley di Austeridad ta ensera votacion pa tur medida no ta cuadra cu realidad. Paso e ora Evelyn cu a core skonde pa no vota pa e ley di austeridad a para na banda y laga tur medidanan pasa bay pa worde tuma. Pueblo ainda a keda den espera di un splicasion di lider di MEP pakico e no a vota e dia ey. Skonde tras di un medio di prensa no ta yuda Evelyn na nada. Pueblo merece un splicasion. Tambe e parlamentario ta trece padilanti cu mester stop di instige contra votadornan di MEP. Mervin Wyatt-Ras no tin nada contra ningun votador y te hasta a keda cu bon relacion cu votadornan. E discusión aki ta entre politiconan. Y pa Evelyn bin radio pa haci manera cu ta votadornan e ta bin defende ta otro mentira y ta parse cu e tin miedo pa Mervin tin bon contacto cu votadornan. Ta obvio cu e lider kier deshaci di Mervin como politico, kizas pa miedo? Un cos ta sigur, parlamentario Mervin Wyatt-Ras na unda cu e ta lo keda para pa loke semper el a boga pe, esta pa esnan cu tin necesidad, esnan cu mester di ayudo den comunidad. Y  cu Evelyn ni si e kier e no por kibra e imagen cu Mervin tin den comunidad. Esaki no solamente como politico, sino como trahador pero tambe como persona.

Pueblo di Aruba ta un pueblo culto y no un pueblo cu por ser engaña facilmente. Mervin Wyatt-Ras ta kere ferviente cu pueblo di Aruba por mira ken ta sincero y ken ta eynan pa propio interes y e Parlamentario tin confianza den nos pueblo cu nos pueblo por huzga pa su mes y no a base di acusacionnan mahos y falso.

- Advertisement -

DUNA COMENTARIO

Please enter your comment!
Please enter your name here