Home General Gobierno a reuni cu grupo di trahadornan di Valero cu no a...

Gobierno a reuni cu grupo di trahadornan di Valero cu no a firma ningun acuerdo ainda

1
0
SHARE
- Advertisement -

ORANJESTAD (AAN): Diaranson atardi Promer Minister Mike Eman y Ministernan Otmar Oduber y Mike de Meza, tabatin un encuentro cu e e trahadornan (algo menos cu 100) di Valero cu te na e momentonan aki no a firma ningun acuerdo cu e compania aki.

Minister Oduber a duna di conoce cu e trahadornan na un manera hopi responsabel a presenta e situacion di kico nan opinion ta y pa kico nan ta para pe na e momentonan aki. A palabra cu e trahadornan cu riba diferente punto ta bay tin accion tumando lugar, manera por ehempel pa DPL ta mas envolvi riba tereno di duna sosten necesario na e trabaonan cu mester worde haci, pa intermedia cu Valero nan ponencia presenta y evita cu mester yega corte.

Y tambe riba e punto di belasting cu mester worde paga riba e uitkering cu nan ta bay haya cu e terminacion di nan trabao.

E trahadornan aki a bin cu un proposicion riba e parti di belasting cu ta core entre 25 te cu 0% y e mandatario encarga cu Labor a mustra riba e precedente cu lo por crea cu algo asina pa futuro, pero tambe pa esnan cu no a haye den pasado. Minister de Meza di su banda a bisa cu no por tuma e tipo di decisionnan aki solamente un biaha.

Banda di esaki Minister Oduber a mustra tambe cu por wak’e tambe como un tipo di ‘inhusticia’ pasobra un persona por haci un claim riba un porcentahe mucho mas abou y dos dia despues haya un trabao.

Gobierno a palabra cu e trahadornan cu lo bay pense y e trahadornan a keda di duna Gobierno informacion adicional, mientras cu Minister de Meza a mustra riba e hecho cu ya caba a duna instruccion pa baha e belasting di 25% cu ta na e momentonan aki pa 15% en general.

E mandatario a duna instruccion pa e departamentonan concerni traha den e direccion aki, aunke a palabra cu lo discuti riba e proposicion di e grupo.

- Advertisement -

DUNA COMENTARIO

Please enter your comment!
Please enter your name here