Home General Minister Michelle Hooyboer-Winklaar ta habri exposicion “Kico ta kico cu arte” dialuna...

Minister Michelle Hooyboer-Winklaar ta habri exposicion “Kico ta kico cu arte” dialuna awor.

1
0
SHARE
- Advertisement -

ORANJESTAD (AAN): Dia 12 di november, na Biblioteca Nacional renoba den George Madurostraat, lo tin un exposicion cu ta duna un homenahe na diferente artista Arubiano cu a participa den transcurso di añanan den un Bienale.

Diferente artista a coopera y a duna intervieuw na un stagiaire cu a traha riba e exposicion aki hunto cu un comision.

   Editorial Charuba a realisa tambe un Magazine impresionante pe hobennan, dunando splicacion riba e nificacion di arte, artista, Bienal, formacion artistico y entrevista interesante. E Magazine yama ‘Kico ta kico” y cu subsidio di Prins Bernhard Cultuurfonds e prome edicion a mira luz di dia y lo worde parti pe hobennan cu bishita e exposicion na Biblioteca Nacional.

   Un parti di e exposicion ta cubri tambe un seleccion di arte traha pa nos muchanan durante e asina yama “Arte Mobil”, cu a bishita varios bario den un bus di Arubus hunto cu boluntario y artista. E material uza den bus di Arte Mobil a worde subsidia pa Boekhandel van Dorp.

   E Arte Mobil a worde realisa cu exito durante vakantie grandi formando parti di e programa vacacional di Bo Bario.

   E culminacion di e proyecto aki ta un exposicion cu imagen riba DVD, filma y traha pa Ryan Oduber, hunto cu Annefleur Siebinga y despues Julienne Paskel.

Bufete di abogado Lincoln Gomez a yuda financia e imagennan y e diseñonan cu lo ta permanente y ta sirbi como un prome homenahe na un seleccion di nos artistanan local
cu a participa na un Bienale.

Hoben escolar y tur interesado ta worde cordialmente invita pa Minister Michelle Hooyboer-Winklaar pa participa na e apertura dialuna awor, dia 12 di november pa 6 or di atardi na Biblioteca Nacional renoba den George Madurostraat.

- Advertisement -

DUNA COMENTARIO

Please enter your comment!
Please enter your name here