Home Politica Parlamentario Thijsen ta spera cu e sistema “on call” por wordo elimina

Parlamentario Thijsen ta spera cu e sistema “on call” por wordo elimina

0
0
SHARE
- Advertisement -

Door di ley di sancion riba tereno laboral:

ORANJESTAD (AAN) – Durante e entrevista cu Matutino DIARIO, Parlamentario mr. Ady Thijsen di fraccion di MEP, a wordo puntra si e ta kere cu e sistema “on call” pa cual tanto e mes a bringa pa wordo kita, durante su gestion como abogado di sindicato, y como parlamentario di e gobierno di MEP, lo por disparce cu e cambionan di ley aki.

Parlamentario mr. Thijsen a comenta cu net riba e punto aki el a papia cu Minister di Labor, y tin algo cu el a admiti tambe, y esaki ta cu ta existi un articulo den e ley cu ta esun 16-13 E cu ainda tey, cu ta referi na contratonan laboral defini.

El a subraya cu specialmente den casino, e trahadornan tabata traha “on call” aunke eigenlijk nan tabata den servicio vast.

Pero nan tabata pone nan “on call” pero riba schedule y aunke nan tabata traha ocho ora, nan tabata considera como “on call”.

Locual ta sosode ta cu ora un di e trahadornan aki bay den Corte nan ta gana e caso, pero e doño di trabao ta bise cu e ta sigui traha cune y dune un pakete of ta perde su trabao.

Hopi biaha nan no por drenta traha den otro casino mas, y pesey e trahadornan ta prefera di scoge pa keda keto, traha y gana nan tips pa no perde nan trabao y mantene un entrada y esaki minister di Labor tambe a indica.

Parlamentario Thijsen a subraya cu si bin un ley di sancion pa nan cumpli cu e leynan, esaki ta bon pasobra na su opinion mester controla cu e doñonan di trabao mester tene nan mes na e cambionan di ley.

Si ta asina, e parlamentario a remarca, por saca afo e sistema di “on call” pasobra tur hende mester tene nan mes na e reglanan y leynan y si no ta hacie nan ta haya sancion.

- Advertisement -

DUNA COMENTARIO

Please enter your comment!
Please enter your name here