Home Hudicial Reacion di Abogado Edwin Duijneveld, riba sentencia di huez den su caso

Reacion di Abogado Edwin Duijneveld, riba sentencia di huez den su caso

6
0
SHARE
- Advertisement -

  *abogado ta convenci di su inocencia y ta bay apela

ORANJESTAD(AAN): Abogado Edwin Duijneveld a wordo acusa di pa añanan largo yuda Luis M. sconde placanan destina na paga hende despues cu Luis M. A wordo declara bancarota y Diahuebs huez a dune un castigo condicional di 3 luna y 120 ora di trabao pa comunidad.

Duijneveld a bisa DIARIO cu tabata presente na corte mesora cu e lo bay apela veredicto di huez.

Despues el a manda e siguiente reaccion:

Awe mi a haya e sentencia den mi caso, cu a lagami cu un sentimiento dobel.

 Di e nuebe acusacionan di e prome hecho castigabel e huez di Corte di prome instancia a haya 3 di nan legalmente proba, pues cu mi lo a juda Sr. Mansur di no informa curator tocante entrada cu Sr. Mansur tabatin. Mi punto di vista y esun di mi abogadonan ta keda, cu den dos di e tres ocasionnan e placa no tabata placa cu tabata pertenece na Sr. Mansur y pa e motibo ey no por tin kitamento di placa di parti di curator y den e otro caso no tabata mi persona cu a hasi locual huez kiermen cu mi a hasi.

Banda di e dos acusacion ey, huez a haya cu e balanan cayente cu mi tabatin riba mi lessenaar, ta un violación di ley.

Ta balanan cu mi a kita di un cliente y cu mi kier a entrega na polis.

Mi no tabata cana cu nan riba caya.

Pa e 6 otro acusacionnan Ministerio Publico a wordo declara no admisible y/o mi declara liber.

 Doo cu mi ta convenci cu mi no a viola ley, mi a Tuma e decision pa bay apela e sentencia.

Mi ta sigui kere den husticia di nos cortenan y como abogado mi mes sa cu den un proceso di apelacion mi por wordo declara libera di tur acusacion.

 Algo cu mi a logra pa varios cliente cu den prome instante a wordo declara culpabel.

Y manara nos leynan y e tratadonan ta bisa, tanten no tin decisión definitivo cualquier hende cu ta wordo persigui dor di ministerio publico mester wordo considera inocente.

Locual ta remarcabel ta algo cu mi mes como abogado ta trece varios biaha dilanti den corte, cu Ministerio Publico mes na varios occasion ta actua contra ley, locual a wordo constata dor di huez y pa e motivo ey a declara Ministerio Publico no admisible riba varios acusacionnan.

Mi ta termina cu un palabracion di gradicimento na tur esnan cu a keda para banda di mi y apoyami durante e pesadiya aki y garantisa mi awe un biaha mas cu nan lo keda para banda di mi. Husticia lo vence.

mr. E. Duijneveld

- Advertisement -

DUNA COMENTARIO

Please enter your comment!
Please enter your name here