Home Politica Si un persona tin problema cu proyecto Urirama, e por sinti cu...

Si un persona tin problema cu proyecto Urirama, e por sinti cu e ta hacie malo

0
0
SHARE
- Advertisement -

Parlamentario Irausquin: 

ORANJESTAD     (AAN): Juan David Irausquin, Parlamentario di fraccion di AVP ta un di esnan cu sigur a bisa inicialmente lo no por apoya e proyecto di Molina di Urirama mirando unda e ta bay worde situa. Despues di deliberacionnan, Parlamento a dicidi di pidi un rapport di Comision MER di Hulanda.

Esaki a drenta diabierna ultimo y dialuna mainta tempran tabata tin un video conference cu e expertonan caminda por a haci mas pregunta. E evento aki a tuma luga na VNO.

    E Parlamentario a splica cu despues di ricibi e rapport diabierna ultimo, a pidi e comision independiente pa evalua resultado di e efectonan cu a worde studia den e proyecto di parke di molina na Urirama. A pidi specificamente pa evalua e parti di salud, e efectonan cu nan presencia lo por tin riba salud di e ser humano. Y si loke tin poni den e rapport traha door di KEMA ta corecto.

    E expertonan ta bisa cu nan ta sostene loke e MER traha door di KEMA ta bisa riba e proyecto pa Urirama. MER ta bisa cu no tin efectonan di salud den e proyecto di Urirama. E mainta aki na VNO, cu tin tur e ekipo y espacio pa haci video conference. Asina a combersa cu e expertonan caminda e Parlamentarionan por haci pregunta of pidi clarificacion. A haci pregunta pa confirma si ta berdad cu nan ta sostene e MER riba Urirama. Y nan a duna un splicacion pakico di e pensamento aki.

    Recientemente, e Parlamentario a sigui bisa, cu recientemente tabatin un supuesto experto cu a bini Aruba for di Merca y kende a duna cierto declaracionnan, a traha un rapport. A puntra e comision si nan por tuma den consideracion e rapport cu e persona aki a traha, cu a worde manda for di siman diahuebs caba pa Comision MER cu a duna nan chens di discutie prome cu e video conference a tuma luga.

     E expertonan Hulanda riba esaki a bisa cu loke tin eyden poni no ta cambia nada den e conclusion cu nan a yega na dje.  E rapport cu e Comision a haci ta bisa cu “si bo ta sinti cu bo tin un problema cu e proyecto, esey por hacibo malo”. Pues e ta un aspecto emocional pa cual e recomendacion di comision MER ta wak si por combersa cu e grupo di habitantenan, pa wak si tin algo cu por haci pa kita e parti di emocion aki.

     E expertonan, el a bisa, a trece un punto dilanti cu lo por tin discusion riba dje pero ta bisa cu Hulanda tin hopi experencia positivo cu ora duna participacion di e habitantenan den e proyecto. Irausquin ta kere cu e ta keda un discusion sensitivo pasobra e hendenan e ora ey por sinti cu kier cumpra nan.

- Advertisement -

DUNA COMENTARIO

Please enter your comment!
Please enter your name here