Home General Awe gobierno y FDA ta firma contrato cu Van Kessels pa renovacion...

Awe gobierno y FDA ta firma contrato cu Van Kessels pa renovacion edificio ex-SIAD

2
0
SHARE
- Advertisement -

ORANJESTAD (AAN) – Den entrevista cu Matutino DIARIO, Ing. Juni Tromp, di Infra Team di Ministerio di Infrastructura, a duna nos informacion tocante e proceso di renovacion di e edificio antes Servicio di Impuesto, na Paardenbaaistraat.

Mas of menos un aña y mey pasa e edificio aki a wordo cera, y a bay den un destaho publico. E compania cu a gana esaki a kita tur cos y laga solamente e structura di hero y e vloernan a keda atras, y henter e sistema a worde evalua.

Un evaluacion a wordo haci riba e structura y diferente investigacion di dje a tuma lugar, pa wak si ta cumpli cu tur e normanan pa locual tin pensa pa haci cu e edificio aki.

E evaluacion a mustra cu si drecha e edificio aki y bin cu un parti di e fachada ademas di e particion paden, lo resulta mas barata cu si traha un edificio completamente nobo.

DOW a cuminza pinta a base di loke ta wordo rekeri pa e dos departamentonan cu lo bay eyden, cu ta Integracion, Maneho y Admision di Stranhero (DIMAS), y Departamento di Labor y Investigacion (DAO).

Actualmente ta asina leu cu destaho publico a tuma lugar y el a wordo gana door di compania van Kessel, y diahuebs awor e contrato ta wordo firma pa e compania contratista aki por cuminza cu e reconstruccion di ex-Belasting Dienst pa e wordo transforma den un edificio pa DIMAS-DAO.

E edificio aki lo haya un expansion chikito pa e por cumpli cu tur loke ta necesario pa ubica ambos departamento. Lo bay tin un sala grandi pa tur cliente cu ta bin pa haya servicio tanto di DIMAS como di DAO.

Lo haci un inversion di mas of menos 12 miyon florin pa e proyecto aki y e lo wordo financia pa Fondo di Desaroyo Arubano (FDA).

Ing. Tromp a menciona cu nos ta para na porta di vacacion di esnan cu ta traha den construccion. Esaki kiermen cu e contrato cu e contratista ta wordo firma dia 6 di December awor, pero e trabaonan ta cuminza dia 14 di Januari 201, Dios mediante.

E construccion aki lo tin un duracion di mas of menos diesdos luna, y si tur cos bay bon cu poder di Dios na December otro aña lo mester ta asina leu cu e edificio aki ta cla y funcional pa e DAO y DIMAS gewoon drenta y cuminza traha.

Tin un deliberacion hunto cu Hulanda riba e fondonan di FDA pa financia e proyecto aki. Juni Tromp a subraya cu e edificio di SIAD tabata den un estado deplorable net na bista di tur e cruseronan cu ta yega nos waf, cu na dado momento a mira e necesidad sea pa bente abao of pa dreche.

E hecho cu no a sosode un desmantelacion total di e edificio y cu a opta pa dreche, ta spaar 25 pa 30 porciento di e gastonan.

Actualmente e dos departamentonan cu lo bin aden ta huur varios lugar, y tur dos ta traha conhuntamente cu otro y bin hunto lo facilita e servicio di ambos.

- Advertisement -

DUNA COMENTARIO

Please enter your comment!
Please enter your name here