Home General Elmar ta contribui na deporte cu e siguinte reduccion di coriente

Elmar ta contribui na deporte cu e siguinte reduccion di coriente

1
0
SHARE
- Advertisement -

Firmando e ultimo protocol

ORANJESTAD (AAN): Despues di un Dialogo Social hopi positivo y exitoso, NV Elmar firmando varios protocol cu diferente organizacion deportivo pa loke ta trata e uzo di nan coriente.

E reduccion substancial aki ta contribui enormemente na caha di e instancianan of e organizacionnan deportivo, mirando cu e consumo di coriente ta resulta di ta un di e gastonan mas grandi di un compleho deportivo.

   E ultimo firmamento di e protocol di rebaho substancial di consumo di coriente pa e luznan di veld, a tuma luga diamars anochi na Veld di La Fama, situa na Savaneta. Wanda Broeksema, Customer Relations Manager di NV Elmar, tabata presente na e firmamento aki y a expresa su mensahe na un y tur presente.

“Como Elmar nos ta hopi contento cu nos por ta akinan awenochi y nos kier gradici Prome Minister Mike Eman, Minister Richard Visser y Minister Mike de Meza pa nan sosten p’e direccion cu nos ta bayendo. Manera ta bin ta bisando basta tempo caba, deporte cada dia ta birando mas y mas importante den bida diario pa ta sano, como tambe pa funciona optimal riba tur tereno.

Tur iniciativa mester worde aplaudi y di banda di Elmar nos tambe a cuminsa busca un forma pa wak con nos por contribui cu e comunidad, pa ta uno mas sano y haciendo deporte ta mantene nos hobennan fo’i mal caminda. Nos ta contento pa bisa cu awe ta e ultimo dia cu nos ta firmando un protocol cu algun directiva deportivo y esaki sigur ta un bon direccion pa Elmar tambe demostra cu nos tin deporte na pecho.

Nos como empresa tambe ta kere cu deporte ta hopi importante y cu e empuhe aki, nos ta mustra cu ‘waar een wil is, is een weg’ y nos kier contribui cu desaroyo di deporte na Aruba.”

Di e forma aki NV Elmar a termina e parti di firmamento di protocol cu veld deportibonan na Aruba, dunando sosten masal na bienestar di nos comunidad den e area di deporte.

- Advertisement -

DUNA COMENTARIO

Please enter your comment!
Please enter your name here