ORANJESTAD(AAN): Un famia Venezolano cu a sali riba un tour cu quadracer a accidenta y mester a wordo yuda rapidamente. Diadomingo den oranan di mainta e accidente a tuma lugar.
E informacion cu a drenta tabata cu pariba di Ayo Rock Formation tin un accidente entre dos quadracer.
Polisnan a yega pero tambe dos unidad di ambulance.
Dos dama tabata herida den accidente.
Nan tabata biniendo for di Natural Bridge bayendo Conchi via e caminda di Ayo.
Dos sinta riba un quadracer a medio baha den un buraco canto di caminda coba pa e awacero.
Esaki a causa cu el a perde control y bai bolter.
E persona tras di stuur a haya basta golpi y tabata benta riba caminda. Otro tambe a haya rasca y su situacion no tabata grave.
Despues di stabiliza e persona mas herida a sali cu ambos pa hospital. Polis a haci nan investigacion na e sitio.
Mester a atende tambe cu un familiar masculino cu a bay mete y purba agredi un miembro di prensa cu tabata presente.
Polis a mustre seriamente cu e trabaonan mester wordo respeta.
A dune tambe un advertencia final mirando cu e tabata insisti na tres ocasion. E cos a termina sin incidente.
