Home General Gobierno y sindicatonan a cuminsa reuni riba Indexering

Gobierno y sindicatonan a cuminsa reuni riba Indexering

1
0
SHARE
- Advertisement -

ORANJESTAD    (AAN):   Despues di dos aña Gobierno y sindicatonan ta sinta na mesa atrobe cu sindicatonan pa discuti e temanan di Indexering pa 2013.

    Den e discusionnan anterior di Gabinete  Mike Eman, Minister di Finanza ing Mike de Meza ta splica, a logra yega na un acuerdo caminda cu na 2011 e trahador a bay dilanti cu 1500 y igualmente den 2012.

Pues un entrada extra di 3 mil florin. E mandatario prome di drenta e reunion a indica cu finanza publico den e temponan aki ta un reto grandi, pasobra mundialmente paisnan ta luchando cu e crisis economico grandi y su efectonan.

E situacion ta similar pa Aruba cu ta luchando cu retonan grandi. Den e reunion ta bay discuti den forma transparente kico ta posibel y kico no. El a menciona tambe e situacion na Hulanda caminda kier freeze e salarionan pa cinco aña debi na e mesun crisis.

    Minister de Meza a splica cu den e negociacionnan ta tene cuenta cu presupuesto en general, e economia su progreso, cifranan di finanza di Gobierno, e deficit pero tambe e plan total di Gobierno pa e proximo añanan.  

Manera por corda, den pasado durante e negociacionnan a hinca un parti den e salario y otro parti pafo di esaki. “Nos ta habri pa discusion, pero nos tin un mensahe bon cla, esta cu e situacion financiero tin su retonan grandi cu ta haci cu nos mester ta responsabel den tur Protocol. Semper mester tene cuenta cu e situacion financiero y nos lo discuti esaki ainda.”

    E temanan aki mester caba di discutinan e luna aki comokiera cu e mester wordo hinca den presupuesto di 2013, cu mester bay Parlamento pa aprobacion ainda, y cu ta drenta na vigor otro aña.

- Advertisement -

DUNA COMENTARIO

Please enter your comment!
Please enter your name here