Home General Minister Otmar Oduber ta cumpli cu e vision pa tur trahador...

Minister Otmar Oduber ta cumpli cu e vision pa tur trahador goza di e proteccion di e leynan laboral

2
0
SHARE
- Advertisement -

Cambionan di Ley Laboral 2013

ORANJESTAD   (AAN):    Den cuadro di leynan laboral, 2013 lo conoce cambionan positivo pa loke ta trata e Leynan di Ordenansa Laboral. Minister Otmar Oduber ta insisti cu e trahadornan mester haya mas tanto proteccion posibel pa asina aki por crea prosperidad economico den nos pais.

   Un di e cambionan den ley lo ta e aumento di e asina yama “inkomensgrens”. Awor aki e limite salarial pa luna ta Afl. 2682,- pa luna cu ta cera un total di Afl. 32.214,- pa aña.

Actualmente 60% di trahador so ta hayando e proteccion aki.  Esaki ta demasiado poco segun e mandatario y ta haya cu mester bin cu un otro sistema pa calcula e limite salarial.

Cu e concepto nobo tur persona cu un salario te cu Afl. 3209,20 pa luna lo haya tur proteccion di e ley aki.

    Minister di Labor ta pensa cu a yega ora pa modernisa un ley cu ta 20 aña bieu, pa asina aki logra recobra e retraso cu tin entre e limite salarial di Ordenansa Laboral y limite salarial di seguro di malesa SVB.

    2013 lo ta aña di cambionan positivo pa hopi famia cu ta desea hala un rosea. Minister Oduber a bin cu un plan strategico pa logra esaki, unda  cu e introduccion di un siman di trabou di 4 dia di maximo 9 ora pa dia, hopi famia ta haya oportunidad mehora nan situacion financiero como tambe inverti mas den “quality time” cu nan famia. 

    Minister Oduber kier responde cu e cambio aki na e necesidad cu tin bou di e parehnan cu ta traha, dunando un di nan e posibilidad pa traha 4 dia pa siman y acomoda mihor cuido na e famia. Flexibildadnan asina por wordo mira tur parti di mundo. 

   Esaki ta cuadra den e pensamento di loke ta yama e “compressed work week”,  enbes di tin 5 dia di 8 ora ta duna e opcion di flexibilidad den orarionan di trabou dor di implenta e opcion pa traha 4 dia pa siman 9 ora.  Situacion actual ta duna 2 posibildad so, cu ta un siman di trabou di 5 of 6 dia.

    Introduciendo e siman di 4 dia 9 ora pa dia tin beneficionan grandi pa e famia cu kier mehora na bida financiero, dunandonan asina e posibilidad pa toch traha, dedica tempo na nan famia y hiba un bida sin preocupacion. 

Por agrega cu e cambio aki lo trece mas crecemento den nos economia dor di e posibilidad di crea mas trabou y di e forma aki porcentahe di desempleo lo baha.

   Esaki ta solamente un fraccion chikito di e cambionan den ley laboral, cu ya caba ta indica di ta hopi positivo pa tur trahador y dunador di trabou.

- Advertisement -

DUNA COMENTARIO

Please enter your comment!
Please enter your name here