ORANJESTAD(AAN): E sospechoso fam Fingal cu a keda deteni pa arestatie team algun dia pasa ya caba ta den libertad. Atraco Team tabata tin mester di dje y su amigo. Ambos ta relaciona cu ladronicia di auto y atraco. Nan no ta desconoci di polis.
Na Koyari y Ponton e detencionnan a tuma lugar. Asina a pone man riba ambos drumi den oranan di marduga. E investigacion a sigui caminda e proceso di interogacion tabata crucial pa e caso. E sospechos principal ta Zievinger cu si a keda deteni. Fingal y Zievinger ta amigo.
Parti di e declaracionnan haci pa Fingal tabata importante den e caso. Awor cu recherche a keda cla cune a lage bai. Asina mes su amiga of ex amiga ta den man di husticia tambe awor.
Asina ta keda acumula informacion y declaracionnan relaciona cu gruponan peligroso y arma cu ta bin Aruba y nos yiunan di tera mes ta yuda e hendenan aki.
No ta descarta mas detencion sea pa un rol directo of pa acumula mas informacion rond di henter e caso unda tin atraco riba joyerianan envolvi y caminda tin hende deteni cu tabata crucial den e yudanza pa entre otro grupo di Curacao por a comete e atraconan aki.
