Archivo di January, 2013
ORANJESTAD (AAN): Diaranson mainta alarma grandi ta worde bati pa un boto cu a confronta su mes ariba lama.
Alarma a worde bati den oranan di mainta banda di 10am pa e capitan G. Leer, kende ta doño y capitan di e boto Let The Fly Fly.
Informacion ricibi ta cu e boto a confronta problema cu motor y na dado momento awa a cuminsa drenta den e boto.
Inmediatamente a cuminsa cu un buskeda masal di Helicopter, GuardaCosta, SARFA y algun boto cu tabata den cercania.
ORANJESTAD (AAN) – Director di SVb, ing. Edwin Jacobs, a señala den entrevista cu Matutino DIARIO, cu papiando di reduccion di pension, ta yega na un otro parti cu den SVb nan ta nomina como “e buraco den e pension basico”.
Señor Jacobs a señala cu si pone como norma e cifra cu nan ta aspira pa yega na dje, cu ta pa tur persona riba sesenta aña lo mester tin e pension completo, esta cien porciento, anto e buraco den e pension ta e 43 porciento cu un grupo ta haya na reduccion di pension.
ORANJESTAD (AAN): Den cuadro di e cambionan di ley laboral Minister di Labor Minister Otmar Oduber a indica cu por medio di estudio cu Departamento di Labor y Investigacion (DAO) lo haci, por yega na e solucion pa cu e participacion di hobennan entre 18-24 aña den forsa laboral.
Mirando cu Aruba tin un escasez di empleado, ta importante pa involucra nos hobennan den nos forsa laboral. Ta asina cu e hobennan aki no ta logra haya conexion pa por bay scol y traha, ademas cu varios di nan no ta cla ainda pa drenta forsa laboral aki na Aruba, e mandatario a duna di conoce.
ORANJESTAD (AAN): Un tata di 26 aña ta deteni e momentonan aki. E investigacion a cuminsa desde cu e baby a wordo treci hospital cu golpinan.
Den sala di operacion e dokternan no por a scapa bida di e angelito aki. E golpinan interno a causa su morto.
Agentenan di Jeugd en Zeden Politie a cuminsa un investigacion mesora. A papia cu varios hende rond den e famia.
Pa aña 2012 segun datonan di SVb:
ORANJESTAD (AAN) – Den entrevista cu Matutino DIARIO, Ing. Edwin Jacobs, director di SVb a elabora tocante e promedio di edad di envehecimento awendia, mirando cu e expectativa di bida den nos poblacion ta mas largo.
Director di SVb a menciona cu, den e departamento di Pension di Behez, nan ta monitorea e promedio di edad di e personanan cu ta abandona e sistema di pension di behez debi na fayecimento.
ORANJESTAD (AAN): Studiantenan na Hulanda e ultimo dianan aki no tabata contento pa locual a sosode.
Normalmente rond di dia 23 of 24 mas tarda nan ta ricibi nan placa di fiansa for di Arubahuis.
E luna aki e pago no a pasa manera ta custuma.
Te diamars dia 29 di Januari 2013 ainda tin varios studiante cu no a ricibi e placa.
Director di SVb Edwin Jacobs:
ORANJESTAD (AAN) – Den entrevista cu Matutino DIARIO, Ing. Edwin Jacobs, director di SVb, a expresa cu e pension general cu gobierno a introduci for di entrante 1 di Januari 2012, ta bay duna un contribucion na e diversificacion di entrada pa pension di nos grandinan, na termino largo.
El a agrega cu na termino cortico gobierno a introduci e sistema di “flex pension” caminda cu e pensionadonan por postpone nan pension pa un termino di cinco aña, unda cu nan por aumenta e suma di pension cu finalmente nan ta bay ricibi, pasobra e ta aumenta cada aña cu siete porciento.
Proyecto di hospital a dal un otro paso padilanti
ORANJESTAD (AAN): Stichting Onroerend Goed Aruba ‘SOGA’ y AIB a firma cu financiadonan pa asina e proyecto ‘ampliacion y renobacion dr. Horacio Oduber Hospital’ por sigui cana e proceso cu ainda e falta pa cana prome cu por cuminsa cu su ehecucion. Prome Minister Eman y Minister Sevinger tabata testigo di e transaccion cu a tuma luga den oficina di AIB.
Minister Visser di Salubridad Publico no por tabata presente pa motibo di tabata den exterior. Banda di e parti cu ta encera acuerdonan cu SOGA cu e financiadonan tin e otro parti cu ta entre gobierno cu SOGA.
Amigga di Siman riba www.amigga.net
ORANJESTAD (AAN): E tin 26 aña trahando den e ramo di Husticia di cual 17 aña den servicio di Cuerpo Policial di Aruba.
Na 2009 e la asumi e cargo pa dirigi Scol di Polis cual trabao awendia ainda e ta haci cu hopi placer.
Aña pasa Hoofd Inspecteur Richardson-Baars a ricibi un reconocemento grandi pa su trabao den e ramo di combatimento di Traficacion di Hende.
E la biaha pa Washington DC na unda e la ricibiTIP Hero Award 2012 como e persona escohi pa e area di Caribe, e premio aki e la haya for di e Secretary of State Mericano Sra. Hillary Clinton.
Alrededor di 17 mil pensionado lo ricibi carta pa por aplica
Lo tin puntonan di entrega den tur districto pa facilita e proceso
ORANJESTAD (AAN): Un di e gruponan cu ta hayando atencion di Gobierno ta e pensionadonan.
Por menciona cu entrante 1 di januari 2010 Gobierno a introduci reparatie toeslag di Afl. 50,- pa tur pensionado y desde januari 2013, Gobierno a bolbe introduci un “extra” reparatie toeslag di Afl. 50,- pa e pensionadonan cu tin e pensioen di AOV como nan unico entrada.
E reparatie toeslag introduci na aña 2010 ta keda na vigor y no ta haci distincion, ta solamente esun extra di 2013 ta mara na condicion.
ORANJESTAD (AAN)—Den entrevista cu Matutino DIARIO, e director di SVB Ing. Edwin Jacobs, a duna di conoce tambe cu na final di aña 2012, e Foro Economico Mundial a pidi e Paisnan di Occidente (OCD) hunto cu un compania Canades, pa nan studia kico ta e posible strategianan pa e sociedadnan por uni cabes pa traha riba e envehecimento di e sociedadnan.
Nan a formula basicamente tres strategia di cual Ing. Jacobs a menciona dos hopi importante:
Pa un mehor cubrimento di hendenan grandi door di sistemanan di pension. Den e caso di Aruba e ta cubri esaki bon y tin partinan cu ta wordo complementa awor cu e leynan nobo.
Joanne Lopes ta participa den eventonan!
ORANJESTAD (AAN): Abordo di e Airbus A-330 di KLM, a yega Diaranzon atardi, e Reina di Carnaval 2012 di Hulanda, e flamante bellesa Arubiana, Joanne Lopes.
Joanne, kende a sa di saca cara di Aruba na Hulanda promer, durante y despues di carnaval di Hulanda, representando e grupo di carnaval Arubiano, Kingdoms Under The Sun, a yega Aruba pa participa den e festividadnan di Carnaval 59.
Na Aeropuerto tabatin su famia presente, como tambe representante di SAC, cu a duna Joanne un bon bini.
Famia tabata hopi entusiasma cu e presencia di Joanne na Aruba.
Sigur DIARIO ta convenci cu pueblo di Aruba lo sa di duna sosten na Joanne ora cu e ta participando den e eventonan venidero di Carnaval.
Pa sigui promove mas cooperacion entre e islanan
ORANJESTAD (AAN)– E siman aki representantenan di fraccion di Partido Democracia Real (PDR, a reuni durante un bishita di cortesia na Curacao cu diferente mandatarionan riba temanan di cooperacion entre Aruba y Corsow.
Sr. Andin Bikker y sr. Serge Mansur a tene un encuentro di cortesia cu Minister di Desaroyo Economico sr. Steven Martina y Parlamentario y lider di partido Pais, sr. Alex Rosaria.
Por recorda cu partido Pais tabata e gran sorpresa den e reciente eleccion na Corsow caminda cu a logra crece y haya 4 asiento y yuda forma Gobierno, basa riba un filosofia nobo, similar na e manera al caso di hiba politica di PDR.
Minister Dr. Richard Visser hopi entusiasma cu proyecto “Paga Tino”
ORANJESTAD (AAN): Fundacion Anti Droga Aruba (FADA) a anuncia cu e siman aki diferente persona trahando den diferente instancia y na scolnan lo haya un training den cuadro di e proyecto “Paga Tino”. Minister di Salud y Deporte, Dr. Richard Visser ta hopi entusiasma cu e proyecto aki ya cu e tin di haber cu un aspecto cu ta forma parti di su maneho cual ta e combatimento di adiccion, principalmente cerca nos hobennan.
“Paga Tino” a cuminsa cu un serie di tayernan, “Train the Trainers”. Esaki ta un proyecto enfoca specificamente riba e tereno di informacion y prevencion pa nos hobennan.
