Home Hudicial Colombiano John Jairo Montes Davila deteni pa skimming di Credit Card

Colombiano John Jairo Montes Davila deteni pa skimming di Credit Card

11
0
SHARE
- Advertisement -

E ta causando daño grandi na turismo di Aruba!

ORANJESTAD(AAN): John Jairo Montes Davila ta un Colombiano biba como diez aña na Aruba. E ta casa cu un paisana di dje y tin yiu tambe.

   E homber aki naci na Colombia dia 15 di November 1974 ta mal sera e momentonan aki. E tabata causando un daño grandi na nos pilar mas importante riba Aruba.

   Trahando na un restaurant y nightclub masha popular den e area hotelero el a logra estafa diferente turista. El a worde deteni na pia di trabao y pa su malasuerte, den su poder a haya su ekipo cu e tabata usa pa skimming.

   Ora di cobra turistanan na e dicho restaurant unda e tabata traha, e tabata copia cierto partinan necesario di nan credit card pa asina traha otro carchi y mal usa esaki. Ta basta miles di Dollar John Jairo Montes Davila di 38 aña di edad a logra estafa.

   Cu esey, e tabata biba na grandi pero causando daño enorme tambe na nos turismo. Su cas mes ta keda den area di Noord segun informacion.

   Banconan di Aruba y turistanan victima a cuminsa claim cu na Aruba nan a worde estafa via skimming cu nan credit card. Un investigacion masha profundo Recherchenan a haci pa finalmente tira man riba e estafador aki. E lo keda sera tambe pendiente su caso den corte.

   E tipo di figuranan aki ta netamente esnan cu Aruba no mester.
    Ta bon pa tur hende mira su cara bon pa ora e sali no mester tuma e hendenan aki den trabaonan vulnerable pa evita cu e ta bolbe sigui cu su fechorianan.

   E industria mas importante na Aruba e ta duna un imagen sumamente negativo.
A confisca diferente cos y manera laptop y telefon. E speranza ta cu huez lo baha cu man pisa riba e sospechoso aki pa asina evita cu tin mas victima na su man.

   Si ta bon e por bay back di unda el a bin y asina evita daño tambe na otronan di mesun nacionalidad cu ta traha honradamente pa nan pan sin pensa maldad. Aunke hopi biaha nan sa nenga di declara e biaha aki no a haya chens di sconde masha pasobra a haya evidencianan cu ta e ekipo usa pa copia e credit cardnan.

- Advertisement -

DUNA COMENTARIO

Please enter your comment!
Please enter your name here